“ჩვენ არანაირი შიში არ გვაქვს, “ერთიანობა ნაციონალური მოძრაობა” გააგრძელებს ბრძოლას ქართველ ხალხთან ერთად, ქართული სახელმწიფოსთვის და ივანიშვილს ეს ყველაფერი აუცილებლად ძვირად დაუჯდება”, – ასე ეხმიანება “ერთიანობა ნაციონალური მოძრაობის” ლიდერი, ლევან სანიკიძე, “ქართული ოცნების” მიერ გაკეთებულ განცხადებათან დაკავშირებით, “ერთიანი ნაციონალური მოძრაობის” არაკონსტიტუციურად ცნობის თაობაზე და ამ მხრივ შესაბამისი კანონების მიღებას.
მისი თქმით, პარტია ეს არის იდეა და მხარდამჭერები გააგრძელებენ ბრძოლას ქართული სახელმწიფოსთვის:
“ქართულ ოცნებას” ჰყავს ერთპარტიული პარლამენტი და ე.წ. კანონის მოღება არ იქნება რთული, მაგრამ მეორე არის ჩვენი მხრიდან რა ნაბიჯები იქნება გადადგმული.
ჩვენ მიგვაჩნია, რომ პარტია არ არის საჯარო რეესტრში დარეგისტრირებული იურიდიული პირი, ეს არის იდეა, ადამიანები, რომლებიც ქმნიან ყოველდღიურად ივანიშვილის წინააღმდეგ მოძრაობას და 2012 წლიდან დღემდე ებრძვიან ივანიშვილს, რომელიც ცდილობს ამ ქვეყნის რუსიფიკაციას.
აქედან გამომდინარე, ჩვენ არანაირი შიში არ გვაქვს არაფრის და ის ადამიანები, რომლებიც მხარს უჭერენ “ერთიანობა ნაციონალურ მოძრაობას”, გააგრძელებენ ბრძოლას ქართული სახელმწიფოსთვის, ივანიშვილის კი ეს ყოველივე ძალიან ძვირი დაუჯდება, განსაკუთრებით საერთაშორისო მიმართულებით, რადგან პარტიებს და კონკურენტებს ძლიერები არ კრძალავენ, ეს არის სისუსტის ნიშანი”, – განაცხადა ლევან სანიკიძემ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
