საკონსტიტუციო სასამართლოს მოსამართლის არჩევნების საკითხს ეხმაურება “ახალი საქართველოს” თავმჯდომარე გიორგი ვაშაძე და აცხადებს, რომ ოპოზიციურმა პარტიებმა კონსესუსის საფუძველზე ხელი მოეწერა საკონსტიტუციო და ზოგადად სასამართლო რეფორმის პაკეტს, რომლის მიხედვითაც საკონსტიტუციო და უზენაესი სასამართლო უნდა გაერთიანდეს, ხოლო დღეს დაჩქარებულად მიმდინარე პროცესი დროებითია. ამასტან ოპოზიციონერი ლიდერი საუბრობს „ქართული ოცნების“ პოლიტიკურ ინტერესებზე, რომ სწორედ მათი პოლიტიკური ინტერესის ნაწილია საკონსტიტუციო სასამართლოს მოსამართლის შერჩევას რომ ჩქარობენ.
„იქ სადაც პოლიტიკური ინტერესი აქვს „ქართულ ოცნებას“ დაჩქარებულად მიდიან. რა თქმა უნდა მათი ინტერესია, რომ საკონსტიტუციო სასამართლოს მოსამართლის შერჩევა იჩქარონ, მაგრამ ყველაზე მეტად მე მაიმედებს ის, რომ ოპოზიციურმა პარტიებმა ყველამ ერთად ხელი მოვაწერეთ საკონსტიტუციო და ზოგადად სასამართლო რეფორმის პაკეტს, სადაც საკონსტიტუციო და უზენაესი სასამართლო უნდა გაერთიანდეს. სწორედ ეს ცვლილება მთლიანად შეცვლის ვითარებას, რომელიც დღეს არის სასამართლო სისტემაში.
ეს არის ოპოზიციურ პარტიებს შორის კონსესუსი და ჩვენ ამის განხორციელებას დავიწყებთ. დღეს რაც არ უნდა დააჩქარონ ეს ყველაფერი არის დროებითი,”- განაცხადა გიორგი ვაშაძემ.
ავტორი
თამთა ასლანიშვილი
