გამკაცრებული საგანგებო მდგომარეობის პირობებში სუპერმარკეტების თანამშრომლებისთვის ბუნებრივად შექმნილი პრობლემების გამო კონკრეტული მოთხოვნით მიმართავს სავაჭრო ქსელების ხელმძღვანელებს “სამოქალაქო მოძრაობის” ლიდერი ალექსანდრე ელისაშვილი:
“კაი ვთქვათ კომენდანტის საათი შემოსაღები და მეტრო გასაჩერებელი იყო, მაგრამ კომპანიები თავის თანამშრომლებს რატომ აიძულებენ საკუთარი ხარჯით მივიდნენ სამსახურში?!
პირველ რიგში ეს ეხებათ დიდი სუპერმარკეტებს, სადაც ისედაც გამყიდველები 250-300 ლარზე მუშაობენ. ახლა საკუთარი ხარჯით თუ იარეს ამ ადამიანებმა რაღა უნდა დარჩეთ ხელფასიდან?
ამ ვითარებაში მადას ცოტა ყველამ უნდა დაუკლოს, მით უფრო სუპერმარკეტების ქსელებმა რომლებიც ძალიან კარგ მოგებას ნახულობენ ეს პერიოდია.
ასე რომ ინამუსეთ და საკუთარ თანამშრომლებს დაუფინანსეთ ტრანსპორტის ხარჯი. ნამუსიც კაი საქონელია მართლა,” – წერს ფეისბუქის პირად გვერდზე ალექსანდრე ელისაშვილი.
