“ნანუკას ფონდის” დაყადაღებას ემოციური შეფასებები მოჰყვა საზოგადოების სხადასხვა ფენაში. როგორც გაირკვა, კონკრეტული მხარდაჭერის სურვილით ეხმიანებიან ფონდის ხელმძღვანელს მოქალაქეები, რასაც სოციალურ ქსელში გამოქვეყნებულ პოსტში აღნიშნავს ჟურნალისტი, საავტორო გადაცემის წამყვანი, ნანუკა ჟორჟოლიანი:
“მეგობრებო, კითხულობთ სად არიან ის ადამიანები, რომლებსაც ოჯახის წევრები გადავურჩინეთ.
აქ არიან, ჩემთან.
ორი დღეა ტელეფონი არ გაჩერებულა. მეკითხებიან რა გააკეთონ, რა შეუძლიათ.
წერენ ვიდეოებს და აგზავნიან. დებენ პოსტებს. უბრალოდ, მერიდება ყველა პოსტის დადება, ისედაც ზედმეტი მგონია ეს ყურადღება.
ბავშვები ციხეში, მზიას პროცესი. ამ ყველაფრის ფონზე ისედაც მგონია რომ ბევრი ნანუკას ფონდია.
ბავშვის გადარჩენა რომ ვერ მოვასწარით მისი მშობლებისგანაც კი წარმოუდგენელი შეტყობინება მივიღეთ. უსაზღვრო მადლიერება, რომელმაც ყველა გვატირა სამსახურში.
შემდეგ ოთხშაბათს ნახავთ ყველას. საერთოდ ყველა ოჯახის წევრიც გადაგირჩენიათ თქვენ, უბრალოდ ფონდის დახმარებით.
ვკითხულობ ყველას პოსტს, ყველა კომენტარს, ყველა შეტყობინებას.
იცოდეთ ყველა სიტყვას ოქროს ფასი აქვს და სამუდამოდ მემახსოვრება“, – წერს ნანუკა ჟორჟოლიანი ფეისბუქის პირად გვერდზე.
