სტრატეგია “აღმაშენებლის” გუნდის წევრი, ექსპერტი დავით ცეკვავა აფხაზეთში არსებულ მდგომარეობაზე საუბრობს და აცხადებს, რომ დე ფაქტო ხელისუფლების მიერ გავრცელებული ინფორმაციის თანახმად აფხაზეთის ტერიტორიაზე ტესტები შეტანილია და ხელისუფლება მოსახლეობას მოუწოდებს, რომ პანიკის საფუძველი არ აქვთ. ცეკვავას აზრით აფხაზეთში სრული ინფორმაციული ვაკუუმია და მდგომარეობა საკმაოდ სავალალოა.
“სამწუხაროდ გავრცელებული ინფორმაციით სავავალო მდგომარეობაა გალში, მაგრამ აფხაზეთში, როგორც აცხადებენ, ჯერჯერობით არცერთი დადგენილი ფაქტი არ არის. დე ფაქტო ხელისუფლება აცხადებს, რომ ტესტები შემოტანილია და მოსახლეობას მოუწოდებს, პანიკის საფუძველი არაა, მაგრამ რეალურად ხომ ვიცით იქ როგორი ინფრასტრუქტურაა.
ჩვენთან არსებობს ლუგარის ლაბორატორია, თუმცა ხელისუფლებას გაუჭირდა ტესტების მოძიება და შემოტანა, შესაბამისად სავარაუდოთ ოკუპირებულ აფხაზეთშიც ძალიან სავალალო მდგომარეობაა. საინფორმაციო ვაკუუმია, არანაირი კამპანია არ მიმდინარეობს,” – აცხადებს დავით ცეკვავა.
