“თვითმფრინავის ბიჭების” მბრალდებლებსაც და მოსამართლესაც ალბათ მართალი ეგონათ თავი, მაგრამ კი ვხედავთ ისტორიის ვინ რომელი ფურცელზე არის – ონისე ცხადაძე

საპროტესტო აქციებზე დაკავებულების სასამართლო პროცესი გაიმართა. პროცესზე სიტყვით გამოსვლისას, სთენდაფერი, ონისე ცხადაძე საუბრობს მის მიმართ წაყენებულ ბრალდებასთან დაკავშირებით და პარალელს ავლებს ,,თვითმფრინავის ბიჭების” სასამართლო პროცესთან:

,,ვიდეოში 3 ნივთია, რასაც ვისვრი – 2 მესროლეს თვითონ, პირველებმა, ორივე მომხვდა. ხო ანუ შესაბამისად, ეს არავის არ დაუვალებია ჩემთვის და ვერც ვერავინ დამავალებს, მე ვიღაცა არ ვარ, რომ ვიღაცებს, რომ რაღაცებს ავალებენ და მერე აკეთებენ მე ეგ არ ვარ.

თუ ოდნავ მაინც გგონიათ თქვენი თავი მართლები ერთი პროცენტით მაინც, თავს არავის არ ვადარებ, მაგრამ გეტყვით, რომ ,,თვითმფრინავის ბიჭების” მბრალდებლებსაც და მოსამართლესაც ალბათ მართალი ეგონათ თავი, მაგრამ კი ვხედავთ ისტორიის ვინ რომელი ფურცელზე არის.

ეს იქნება ყველაზე დიდი ბედნიერება, რომ აი რამდენიმე წლის მერე, რომ გადავხედავთ, რაც არ უნდა მოგვიწიოს ჩვენ, ვინ სად იქნება“, – განაცხადა ონისე ცხადაძემ.

ავტორი
მარიამ ხაჩირაშვილი