“ყველა ჩემ მეგობარს, ვისაც ჯარიმები მიუვიდა სახლში, მივესალმები!” – პაატა ბურჭულაძე

მსოფლიო ბანი, პაატა ბურჭულაძე Facebook Live-ში აცხადებს, რომ მის სახლში კვლავ მივიდა პოლიცია, თუმცა აღნიშნულ დროს სახლში არ იმყოფებოდა:

,,ჩემ ვიდეოთვალში ვნახე, რომ ჩემთან სახლში მისულა პოლიცია და, ალბათ, კიდევ ერთი ჯარიმა მოაქვთ. ალბათ კი არა – ნამდვილად მოაქვთ ერთი 5000 ლარიამი ჯარიმა. იმიტომ, რომ მე ძალიან ვაბრკოლებ მოძრაობას საქართველოში, ქუჩებში.

ამიტომაც, მოდი, ველოდოთ სად მომაკითხავენ. სახლში მე არ ვიყავი მაგ დროს.

მაშინ ხომ ჩემ დაბადების დღეზე იყო 12 თებერვლის ჯარიმა. ვეჭვობ, რომ ახლა იქნება 18 თებერვლის. აბა მიხვდით, რატომ?

რა სიახლეებიც იქნებას, გადავიღებ და დავდებ.

ყველა ჩემ მეგობარს, ვისაც ჯარიმები მიუვიდა სახლში, მივესალმები!”, – განაცხადა პაატა ბურჭულაძემ.

ავტორი
ნინი ხიჯაკაძე