მთავრობის ყოფილი მეთაური, პარტია “საქართველოსთვის” თავმჯდომარე, გიორგი გახარია ქვეყანაში მიმდინარე პროცესების პოლიტიკურ შეფასებას ახდენს:
“დღეს, თუ საქართველო გლობალური პოლიტიკის კონტექსტში ვინმეს ახსოვს, არის იმ აქციების დამსახურება, რომელიც რუსთაველზე მიმდინარეობს.
მიუნხენშიც, ჩვენ მხოლოდ იმიტომ გვხვდებოდნენ და გვისმენდნენ, მხოლოდ და მხოლოდ იმიტომ, რომ ეს ადამიანები დგანან რუსთაველზე.
როგორ ფიქრობთ, ადამიანები რუსთაველზე რომ არ იდგნენ დღეს, საქართველოს დღევანდელ უკანონო ხელისუფლებას აღიარება არ ექნებოდა? ექნებოდა, მერწმუნეთ და ამიტომ ამ ადამიანების ბრძოლის გაუფასურება არ შეიძლება.
ეს ადამიანები იბრძვიან და იმარჯვებენ.
დღეს ყველაზე დიდი კითხვაა – საქართველოში ყველაფერი დაკარგულია, თუ ჯერ კიდევ ბრძოლას აქვს აზრი?
ამიტომ, თითოეული ადამიანი, რომელიც დღეს რუსთაველზე დგას, მათ დიდი მადლობა უნდა ვუთხრათ. ამ ადამიანების ყოველდღიური ბრძოლის შედეგია, რომ ჩვენ ჯერ კიდევ დღისწესრიგში ვართ“, – აცხადებს გიორგი გახარია.
