ვადამდელი საპარლამენტო არჩევნები ჩატარდა გერმანიაში, სადაც, პირველადი მონაცემებით, გამარჯვება მოიპოვა კონსერვატორულმა ბლოკმა CDU/CSU (“ქრისტიან-დემოკრატიული კავშირი” და “ქრისტიან-სოციალისტური კავშირი”), რომლის ლიდერია ფრიდრიხ მერცი. ბლოკმა ამომრჩევლების 29% მიიღო და იწყებს კონსულტაციებს კოალიციური მთავრობის ჩამოსაყალიბებლად.
მეორე ადგილზე გავიდა ულტრამემარჯვენე პარტია AfD (“ალტერნატივა გერმანიისთვის”), რომელმაც ხმების 19.5% მიიღო.
ჯერ კიდევ მოქმედი კანცლერის, ოლაფ შოლცის პარტია SPD (“სოციალ-დემოკრატიული პარტია”) მესამე ადგილზე გავიდა, 16%-ით.
არჩევნებში 5%-იანი ბარიერი გადალახეს ასევე მწვანეებმა – 13.5% და მემარცხენეებმა 8.5%.
უახლოეს დღეებში დასრულდება მოლაპარაკებები კოალიციური მთავრობის ფორმირებასთან დაკავშირებით, რომელსაც სათავეში ჩაუდგება და ახალი კანცლერი გახდება ფრიდრიხ მერცი.
შეფასებებისთვის დიაგრამა, თუ რომელმა პოლიტიკურმა ორგანიზაციამ როგორ გაიუმჯობესა თუ გაიუარესა შედეგები წინა არჩევნებთან შედარებით.
