“საქართველოს რკინიგზა” სპეციალურ განცხადებას ავრცელებს კონკრეტული მიმართულების მატარებლების რამდენიმე რეისის გაუქმებასთან დაკავშირებით:
“📢ძვირფასო მგზავრებო!
გურიაში არსებული უამინდობის და დიდი თოვლის გამო, უქმდება მატარებლების რამდენიმე რეისი, კერძოდ:
24 თებერვალი – ოზურგეთი-თბილისი
24 თებერვალი – ბათუმი-ოზურგეთი
24 თებერვალი – რიონი-ქუთაისი-რიონი
შეგახსენებთ, რომ ქუთაისში მიმავალი მგზავრები, ოზურგეთის მიმართულებით მოძრავი მატარებლით რიონის სადგურამდე მგზავრობენ. ხოლო რიონის სადგურიდან ქუთაისი 1-ის სადგურამდე მგზავრობენ საგარეუბნო ელექტრომატარებლებით, რომელთა გრაფიკი მორგებულია თბილისი-ოზურგეთი-თბილისის მატარებლის განრიგს.
შესაბამისად, 24 თებერვალს ოზურგეთი -თბილისის სამგზავრო რეისის გაუქმების შედეგად უქმდება რიონი-ქუთაისი-რიონის ელექტრომატარებელიც.
საქართველოს რკინიგზა ბოდიშს გიხდით შექმნილი დისკომფორტის გამო.მგზავრებს ბილეთის საფასური სრულად აუნაზღაურდებათ“, – ნათქვამია გავრცელებულ განცხადებაში.
P.S.
ყურადღება‼️ წინა განცხადებიდან რამდენიმე საათში “საქართველოს რკინიგზა” მორიგ განცხადებას ავრცელებს (გამოქვეყნდა ფეისბუქის ოფიციალურ გვერდზე 15:17-ზე)
საქართველოს რკინიგზა დამატებით გაცნობებთ, რომ გურიაში არსებული უამინდობის გამო, უქმდება მატარებლების რამდენიმე რეისი, კერძოდ:
23 თებერვალი – ქუთაისი-ბათუმი-ქუთაისის საღამოს რეისი;
25 თებერვალი – თბილისი-ოზურგეთი;
25 თებერვალი – რიონი-ქუთაისი-რიონი;
25 თებერვალი -ქუთაისი-ბათუმი-ქუთაისი;
25 თებერვალი -ბათუმი -ოზურგეთი-ბათუმი;
26 თებერვალი – ოზურგეთი-თბილისი;
26 თებერვალი – რიონი- ქუთაისი-რიონი;
საქართველოს რკინიგზა ბოდიშს გიხდით შექმნილი დისკომფორტის გამო.
მგზავრებს ბილეთის საფასური სრულად აუნაზღაურდებათ.
