ქართული წარმოების პირბადეების დარიგება დაიწყო იმ პრიორიტეტების მიხედვით, სადაც განსაკუთრებით მნიშვნელოვანია უსაფრთხოების დაცვა – ნათია თურნავა

15

საქართველოს ეკონომიკისა და მდგრადი განვითარების მინისტრი ნათია თურნავა ჰიპერმარკეტ „გუდვილში“ თანამშრომლებისათვის ქართული წარმოების პირბადეების გადაცემას დაესწრო. მინისტრის ინფორმაციით პირბადეების დარიგება პრიორიტეტების მიხედვით მოხდება.

ქართული წარმოების პირბადეების დარიგება დაიწყო იმ პრიორიტეტების მიხედვით, სადაც განსაკუთრებით მნიშვნელოვანია უსაფრთხოების დაცვა, სხვადასხვა რისკებიდან გამომდინარე – ამ კატეგორიაში არიან 70 წელს გადაცილებული ადამიანები, ასევე ის საჯარო მოხელეები, რომლებიც საკარანტინო ზონებთან არიან შეხებაში, პოლიციელები, სხვადასხვა კატეგორია, რომლებიც არსებული საფრთხეების მიუხედავად, ემსახურებიან მოსახლეობას. დღეს კომერციულ სექტორშიც, პრიორიტეტების მიხედვით დავიწყეთ პირბადეების მიწოდება, პირველ რიგში, სასურსათო მაღაზიების თანამშრომლებისთვის,“ – განაცხადა ნათია თურნავამ

ქართული წარმოების პირბადეები რამდენიმე საწარმოში მზადდება და სანამ მისი წარმოება მასობრივი არ იქნება, მანამდე დარიგება მოხდება პრიორიტეტების მიხედვით და დაურიგდებათ არა მხოლოდ დიდ სასურსათო მაღაზიებს, არამედ მცირე საუბნო მარკეტებსაც, რაშიც სამინისტროს დახმარებას უწევს მცირე და საშუალო მაღაზიათა ასოციაცია.

ეს ორგანიზაცია აერთიანებს 780 პატარა სასურსათო მაღაზიას, ეს არის 2000-ზე მეტი დასაქმებული ადამიანი ამ სექტორში, ჩვენ უნდა ვიზრუნოთ მათ ჯანმრთელობაზე და რა თქმა უნდა, მათი მომხმარებლების ჯანმრთელობაზე,“ – აღნიშნა ნათია თურნავამ.

ავტორი
თამთა ასლანიშვილი

კომენტარები