კომპანია “თბილისი ენერჯი • Tbilisi Energy” ინფორმაციას ავრცელებს ქსელში მომხდარი დაზიანების შესახებ:
“დაუდგენელი მიზეზის გამო, დაზიანდა ცენტრალური დე 500 მილიმეტრიანი გაზსადენი რომელიც ამარაგებს ვაკე-საბურთალოს.
გაზსადენის აღსადგენად „თბილისი ენერჯის“ ტექნიკური ჯგუფები უკვე მუშაობენ.
დამატებითი დეტალები ავარიის შესახებ:
თბილისი ენერჯი გაცნობებთ, რომ ცენტრალური გაზსადენი სავარაუდოდ “მესამე პირის” მიერ დაზიანდა. ამასთან დაკავშირებით მიმდინარეობს მოკვლევა და დამატებითი დეტალები უმოკლეს დროში გავრცელდება.
დაზიანების მასშტაბიდან გამომდინარე გაზმომარაგების აღდგენა ხვალ [10 თებერვალს – რედ.] დღის პირველ ნახევარში ეტაპობრივად დაიწყება.
თბილისი ენერჯი ბოდიშს გიხდით აბონენტებს შექმნილი დისკომფორტის გამო.
გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში“, – ნათქვამია გავრცელებულ განცხადებაში.
