რა უნდა გაკეთდეს საზოგადოებრივი ჯანდაცვის უსაფრთხოებისთვის საგანგებო სიტუაციების მართვის დროს? – სერგო ჩიხლაძის რეკომენდაციები

21

ჯანდაცვის პოლიტიკის ექსპერტი, მედიცინის დოქტორი სერგო ჩიხლაძე, სოციალური ქსელის მეშვეობით, ხელისუფლებას რეკომენდაციებს აძლევს საგანგებო მდგომარეობის პირობებში კორონავირუსის წინააღმდეგ ეფექტური ბრძოლისათვის.

❗️საზოგადოებრივი ჯანდაცვის უსაფრთხოებისთვის და მასთან დაკავშირებული საგანგებო სიტუაციების მართვის დროს, გასაკეთებელია/უნდა გაკეთებულიყო შემდეგი:

✔️სამოქალაქო მზადყოფნა/მზაობა მასიური და მიზნობრივი (ეთნიკური, რელიგიური და მომატებული რისკის მქონე პოპულაციები) საინფორმაციო და გამაფრთხილებელი კამპანიების სახით;

✔️დანაკარგების (მატერიალური, ადამიანური და სხვ.) წინასწარ შეფასება ყველა სცენარის პირობებში;

✔️სხვადასხვა უწყებებს შორის ინფორმაციის გაცვლა, მართვა და კოორდინაცია;

✔️გადაუდებელი ოპერაციების კოორდინაცია გამოცდილი კრიზის მენეჯერების მიერ;

✔️სამკურნალო ღონისძიებების მართვა (ეპიდემიოლოგები, კლინიცისტები, სამედიცინო მენეჯერები), სამედიცინო პერსონალის უსაფრთხოება;

✔️სამედიცინო მასალების დისტრიბუცია და მართვა;

✔️ლაბორატორიული ტესტირება და ინფიცირებულთა დროული გამოვლენა, სწრაფი დიაგნოსტიკის ჩათვლით;

✔️საზოგადოებრივი ჯანდაცვის კვლევები, ეპიდზედამხედველობა, სხვადასხვა სიტუაციების მოდელირება, სხვა ქვეყნების ანალოგიური გამოცდილება;

✔️მოხალისეების მართვა.

კომენტარები