“მოიკვეთებით ხალხისგან სამუდამოდ, თქვე უჭკუებო. თქვენი ოჯახის წევრები კი თქვენს ვინაობას დამალავენ სხვებთან” – ვახო სანაია სპეცრაზმელებს მიმართავს

ჟურნალისტი ვახო სანაია მწვავე შეფასებებებით და კონკრეტული მინიშნებებით სპეცრაზმელებს მიმართავს:

“ამათ მართლა ჰგონიათ, რომ ნიღბით დაიმალებიან, მერე შინ დაბრუნდებიან და არავის ეცოდინება მათი ვინაობა?! მართლა ასეთი რეგვენები ხართ, ბიჭო?! დავიგინები, რომ თქვენს სიებს თავის გადასარჩენად სულ ანბანის მიხედვით მიიტანენ მაგ სიების შემდგენები, თქვე იდიოტებო (ოღონდ ვერც მაგ თქვენს უფროსებს უშველის ეგ ხერხი).

თქვენ ხომ პასუხს აგებთ კანონით, მაგრამ თქვენი ოჯახის წევრები მთელი ცხოვრება ზიდავენ ამ ფრაზას – ამის ქმარი, ამის შვილი, ამის მამა რუსების ზონდერი იყო და ხალხს ურტყამდა. ეს ციხეში ჯდომაზე უარესია.

მოიკვეთებით ხალხისგან სამუდამოდ, თქვე უჭკუებო. თქვენი ოჯახის წევრები კი თქვენს ვინაობას დამალავენ სხვებთან“, – წერს ფეისბუქის პირად გვერდზე ვახო სანაია.