“სტრატეგია აღმაშენებელი” – ვგმობთ პარტია “საქართველოსთვის” ლიდერზე, გიორგი გახარიაზე თავდასხმას

პარტია “სტრატეგია აღმაშენებელი” სპეციალური განცხადებით ეხმაურება პარტია “საქართველოსთვის” ლიდერზე, გიორგი გახარიაზე განხორციელებულ თავდასხმას:

“ვგმობთ პარტია “საქართველოსთვის” ლიდერზე, გიორგი გახარიასზე თავდასხმას. უკვე არავის ეპარება ეჭვი იმაში, რომ ჩვენ არათუ ლეგიტიმური ხელისუფლება, არამედ ხელისუფლება საერთოდ არ გვყავს. ივანიშვილის რეჟიმი ჩამოყალიბდა რუსულ კლანურ-მაფიოზურ დაჯგუფებად, რომლის მთავარი ხელწერა არის სისტემური ძალადობა საკუთარ ხალხზე.

თითქმის 2 თვიანმა პროტესტმა აჩვენა, რისი ეშინია ხელისუფლებას, აჩვენა გზა, როგორ უნდა მივაღწიოთ გამარჯვებას, რომ უნდა დავდგეთ და ვიბრძოლოთ ერთად საქართველოს, მისი თავისუფლებისა და ჩვენი მომავლის გადასარჩენად” – ნათქვამია “სტრატეგია აღმაშენებლის” განცხადებაში.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის”
მედიასთან და საზოგადოებასთან ურთიერთობის სამსახური ავრცელებს