ქუთაისი მერის გადაწყვეტილებით, დღის ცენტრებში, რომლებიც აუტისტური სპექტრის მქონე ბავშვთა თერაპიის სერვისის მომწოდებლები არიან, მუშაობა შეწყდა. როგორც, გიორგი ჭიღვარიამ განაცხადა, დღის ცენტრებს მარტის თვის ანაზღაურება შეუნარჩუნდებათ, იმ პირობით, თუ პროგრამით გათვალისწინებული 20 საათის ანაზღაურებას მომდევნო თვეების განმავლობაში უზრუნველყოფენ. აღნიშნული გადაწყვეტილებით ხელფასი ასევე, შეუნარჩუნდებათ იმ დასაქმებულ პირებს, რომელთა ანაზღაურებაც დამოკიდებულია შესრულებულ საათებზე.
„დღის ცენტრების მომსახურებით ბავშვების ის კონტიგენტი სარგებლობს, რომელთა განვითარებისთვის სასიცოცხლო მნიშვნელობა აქვს აქ გატარებულ ყოველ საათს. ჩვენი გადაწყვეტილება იქნება ისეთი, რომ არ დაზარალდებიან არც ბავშვები და არც ის პროფესიონალები, რომლებიც მათთან მუშაობენ“, – განაცხადა ქუთაისის მერმა გიორგი ჭიღვარიამ.
შეგახსენებთ, კორონავირუსის პრევენციის მიზნით სასწავლო პროცესი, ასევე შეწყვეტილია ქუთაისის სკოლებსა და ბაღებში.
ავტორი
ლიკა დევდარიანი
სააგენტო “პარალელის”
რეგიონალური კორესპონდენტი