ქვეყანაში კორონავირუსის გავრცელებასთან დაკავშირებით შექმნილი სიტუაციიდან გამომდინარე და ამის გამო ისედაც გაჭირვებული მოქალაქეებისათვის დამატებითი პრობლემების გაჩენასთან დაკავშირებით “ახალი საქართველოს” სოციალური მიმართულების ხელმძღვანელი კონკრეტული რეკომენდაციებით მიმართავს ჯანდაცვის სამინისტროს სოციალური მომსახურების სააგენტოს და დედაქალაქის მერიას:
,,მნიშვნელოვანია, რომ ამ კრიზისის დროს ყურადღების მიღმა არ დარჩეს ის ადამიანები, ვისაც სოციალური დახმარება აქვთ შეჩერებული და ის 8000-მდე ადამიანი, რომლებიც უფასო სასადილოთი მომსახურებას ითხოვდნენ და მათი განცხადებები არ იყო დაკმაყოფილებული. შესაბამისად, ისინი, საერთოდ ყველანაირი მხარდაჭერის მიღმა დარჩა მერიას.
მოვუწოდებ ყველა გამგეობას, ამოიღონ ეს განცხადებები და ყველა ოჯახთან მოხდეს კომუნიკაცია, გამოინახოს რესურსი ამ ოჯახების მხარდასაჭერად მერიის მხრიდან და ასევე სოციალური პასუხისმგებლობის ფარგლებში დახმარების მსურველებს უშუამავლოს რაიონულმა გამგეობებმა.
ასევე, ჯანდაცვის სამინისტროს სოციალური მომსახურების სააგენტომ ამოიღოს იმ ოჯახების სია, ვისაც შეჩერებული აქვს საარსებო შემწეობა და მიიღოს ზომები იმისთვის, რომ კრიზისულ სიტუაციაში, აღნიშნული ოჯახები, არ დარჩნენ საკვების გარეშე.
აუცილებელია მობილიზება და კოორდინირებული მუშაობა.
ჩვენის მხრივ ,,ახალი საქართველოს” სოციალური სამსახური მზად ვართ, როგორც აქამდე, ამჯერად მხოლოდ სატელეფონო კონსულტაცია გავუწიოთ ყველა სოციალურად დაუცველ ადამიანს და საჭიროებისამებრ მოვახდინოთ რეაგირება. დაგვიკავშირდით – 591051601“, – აცხადებს თეონა ჭალიძე.
