კორონავირუსით დაავადებული პირველი პაციენტის გამოჯანმრთელების შესახებ ინფორმაციას კიდევ ერთი სასიხარულო ფაქტი დაემატა. როგორც ინფექციური საავადმყოფოს სამედიცინო დირექტორი მარინა ეზუგბაია აცხადებს მეორე პაციენტზე ჩატარებულმა პირველადმა ტესტმა უარყოფითი პასუხი აჩვენა:
“შემიძლია კიდევ ერთი სასიამოვნო ინფორმაცია მოგაწოდოთ. მეორე პაციენტი, რომელსაც ასევ აქვს ირანის მოგზაურობის ისტორია, გუშინ მასთან, მეთხუთმეტე დღეზე, ჩატარდა ტესტირება CovId-19-ზე და მიღებულ იქნა პირველადად უარყოფითი პასუხი.
ახლა ვიცით ჩვენ, რომ პირველადი ურყოფითი პასუხი ძალიან კარგია, მაგრამ 24 საათის ინტერვალში უნდა გაკეთდეს განმეორებითი ტესტირება და კიდევ ერთხელ უარყოფითი პასუხის შემთხვევაში პაციენტი გამოჯანმრთელებლად ჩაითვლება,” – განაცხადა მარინა ეზუგბაიამ.
გუშინ კი პირველი პაციენტის გამოჯანმრთელების თაობაზე გავრცელდა ინფორმაცია. პაციენტს 26 თებერვალს დაუდგინდა კორონავირუსით დაავადება. მე-14 დღეს გაკეთებული ტესტირებისას მცირე კონცენტრაცია აჩვენა. 4 დღის შემდეგ მას განმეორებით ჩაუტარდა ტესტირება და კორონავირუსზე პასუხი უარყოფითი დაფიქსირდა. რაც იმას ნიშნავს, რომ აღნიშნულმა პაციენტმა კორონავირუსი დანამდვილებით დაამარცხა.
