“ერთიანობა ნაციონალური მოძრაობის” წარმომადგენელმა ცესკოში, დავით კირთაძემ ბრიფინგზე განმარტებები გააკეთა, იმასთან დაკავშირებით, თუ რატომ შეასხა შავი საღებავი ცენტრალური საარჩევნო კომისიის თავმჯდომარეს, გიორგი კალანდარიშვილს:
“ეს იყო გულწრფელი პროტესტი, სოლიდარობა იმ ქართველი ხალხის, სტუდენტების მიმართ, რომლებსაც კალანდარიშვილმა წაართვა ხმა. თქვენ ნახეთ თვალახვეული კალანდარიშვილი, რომელიც მთელი საარჩევნო პერიოდში ზუსტად ასე თვალახვეული იყო და ვერ ხედავდა არჩევნების დღეს ვერც ცემა-ტყეპას, ვერც დარღვევებს, მოსყიდვას, დაშინებას, რაც არჩევნების დღეს ხდებოდა, ამიტომ მე საქართველოს ყველა მოქალაქეს მოვუწოდებ, რომ დღეს არის ბრძოლის დრო, რათა ჩვენი საქართველო გარუსებისგან გადავარჩინოთ”, – განაცხადა დავით კირთაძემ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
