ცესკო-ში „ერთიანობა – ნაციონალური მოძრაობის” წარმომადგენელმა, გიორგი კირთაძემ, სხდომაზე სიტყვით გამოსვლისას, მწვავე შეფასებები გააკეთა კომისიის თავმჯდომარის, გიორგი კალანდარიშვილს მიმართ და მას შავი საღებავი შეასხა:
“სამწუხაროა, რომ რეგლამენტის დაცვა გიწევთ და სხვა არაფერი დაგიცავთ, არც სამართალი, არც კანონი ამ წინა საარჩევნო პერიოდში.
პირველად, როდესაც შევიკრიბეთ და არჩევნები გამოვაცხადეთ, ვთქვი, რომ ძალიან მნიშვნელოვანი და ისტორიული არჩევნები იყო ჩვენი ქვეყნისთვის.
სამწუხაროდ, იმ გამოწვევას ვერ უპასუხა ცესკო-მ თქვენი ხელმძღვანელობით, რომელსაც დამსახურებულად ევროპისკენ უნდა წავეყვანეთ. დღეს თქვენი ხელმძღვანელობით, თქვენი უშუალო ჩართულობით, თქვენი უსამართლო გადაწყვეტილებებით, ჩვენი ქვეყანა რუსეთისკენ მიექანება. დღეს თქვენ წინ გიდევთ ფარატინა ფურცელი, რომელიც რეალურად ჩვენი ამომრჩევლის ნებას არ ასახავს. სამწუხაროდ, თქვენ არ გესმით ხალხის ხმა, სამწუხაროდ, თქვენ არ გესმით სტუდენტების ხმა, რომლებიც აპროტესტებენ, რომლებიც საუბრობენ დარღვევებზე და პრობლემებზე, რომელიც თქვენი ხელით საქართველოს, მომავალ თაობას მომავალი წაართვით და ქვეყანას რუსეთისკენ მიაქანებთ.
„ბატონო თავმჯდომარესაც“ ვერ გეტყოდით, „ტოჩკა რუ“ ხართ, რადგან შავ ლაქად მოგიხსენიებთ ქართველი ხალხი. თქვენც კარგად იცით, „ქართულმა ოცნებამაც“ იცის, რომ საქართველოში ყოველი მეორე „ქართული ოცნების“ მხარდამჭერი არაა, ამიტომ თქვენ ყველაზე ცუდი თავმჯდომარე ხართ, ვისაც შეეძლო ჩვენი ქვეყნისთვის გადაწყვეტილება მიეღო, ჩვენი ქვეყანა წინ წაეწია და, სამწუხაროდ, უკუსვლით წაიყვანეთ“, – განაცხადა დავით კირთაძემ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
