ანალიტიკოსი, ჟურნალისტი არჩილ გამზარდია მმართველი პარტიისგან მოსალოდნელ ქმედებებსა და ქვეყანაში პროცესების განვითარების სავარაუდო სცენარზე საუბრობს:
“ქართულ ოცნებას” ლეგიტიმაცია კი უნდა, მაგრამ თუ ვერ მიიღებს, შეუძლია გააყალბოს კონსტიტუციაც, პარლამენტის რეგლამენტიც და ა.შ. ხელოვნური ინტერპრეტირების გზით, ის შეკრიბავს პარლამენტსაც, დაამტკიცებს მთავრობასაც, სადაც დასჭირდება, გადაწყვეტილებებში ჩართავს სასამართლოსაც.
ძალაუფლების განხორციელების კუთხით პრობლემას არ შეიქმნის, რადგანაც ძალაუფლებას ფლობს.
პოლიტიკური და საერთაშორისოდ აღიარებული სამართლებრივი ლეგიტიმაციის გარეშე ძალაუფლების განხორციელება უზურპაცია კი არის, თუმცა ჩვენ მივიღებთ საინტერესო ჰიბრიდს, სადაც პოლიტიკური კრიზისი კი იქნება, თუმცა არ იქნება ძალაუფლების კრიზისი.
გარეგანი ზემოქმედება – იქნება ეს სანქციები თუ ვიზალიბერალიზაციის გაუქმება ან სხვა, ნაკლებად შეუქმნის კრიზისს ძალაუფლებით ცენტრ(ებ)ს საქართველოში, თუმცა სამოქალაქო დონეზე იქნება კრიზისი პრაქტიკულად ყოვლისმომცველი, როგორც ეკონომიკურ, ასევე თავდაცვის და ა.შ. უსაფრთხოების კუთხით.
საწყის ეტაპზე პროცესები ხელისუფლებას ნაკლებად შეუქმნის პრობლემას ძალაუფლების განხორციელებაში, მომდევნო ეტაპის პერსპექტივა კი უფრო ბუნდოვანია“, – წერს ფეისბუქის პირად გვერდზე არჩილ გამზარდია.
