მსახიობი ნანკა კალატოზიშვილი ემოციურ სტატუსს აქვეყნებს ქვეყანაში არსებულ პოლიტიკურ რეალობასთან დაკავშირებით და საზოგადოებას საპროტესტო აქტივობებისკენ მოუწოდებს:
,,რა აზრი აქვს გამოსვლას? სახლში ჯდომით რა ხდება? რა ცვლილება მოაქვს ნიჰილიზმს? წარმოიდგინე, უსმენ სხვა ქვეყნის არჩევნებზე ნიუსებს. ისმენ: ,,არჩევნები მოიპარეს, შედეგს ხალხი არ აღიარებს, ვისაც მოპარეს ხმები, არ აღიარებენ”. არ აღიარებენ ქვეყნის პარტნიორებიც მეორე კვირაა.
ირთვება კადრი და ხალხი არ ჩანს. აუცილებლად გაგიჩნდება კითხვა – სად არიან? რატომ არ აპროტესტებენ? აღიარეს? გადართავ და დაივიწყებ, როგორც მორიგ გაუგებრობას. რა იქნება იმის დამადასტურებელი, რომ მიხვდე, იმ ქვეყანაში ხალხი მართლა არ აღიარებს ამ არჩევნებს, ეწინააღმდეგება უსამართლობას და მიტაცებას”, – წერს ნანკა კალატოზიშვილი.
ავტორი
ნინი ხიჯაკაძე
