„ახალი საქართველოს“ ლიდერმა გიორგი ვაშაძემ და სხვა ოპოზიციური პარტიების წარმომადგენლებმა, სიმბოლურად უზენაესი სასამართლოს შენობის წინ, სასამართლო რეფორმის ქართულ მოდელს მოაწერეს ხელი. შეთანხმება მოიცავს 5 ძირითად პუნქტს, რომლის მიზანია, “ქართული ოცნების“ დამარცხებისა და ოპოზიციური პარტიების ხელისუფლებაში მოსვლის შემდეგ სასამართლო სისტემა იყოს რეალურად დამოუკიდებელი და საზოგადოებას გაუჩნდეს ნდომა მართლმსაჯულების მიმართ.
„მოგესალმებით, დღეს მართლაც ისტორიული დღეა, იმიტომ რომ პირველად საქართველოში ამხელა პოლიტიკური სპექტრი, ყველა თანხმდება სასამართლო მართლმსაჯულების რეფორმაზე, მიზანი არის სანდო სასამართლო სისტემა, რომელიც ქვეყანაში სამ მნიშვნელოვან გარანტიას მოგვცემს:
პირველი – თითოეული საქართველოს მოქალაქე იქნება დაცული ამ ქვეყანაში და ვერავინ მას ვერ დაჩაგრავს;
მეორე – პოლიტიკური ანგარიშსწორებები და პოლიტიკური დევნები ერთხელ და სამუდამოდ დამთვრდება ქვეყანაში
და მესამე – რაც ძალიან მნიშვნელოვანია ინვესტორებს, ქართულ ბიზნეს ექნება გარანტია, რომ მათ შეუძლიათ შექმნან სამუშაო ადგილი, ჩადონ ინვესტიცია ქვეყანაში და მათ ვერავინ ვერ შეეხება,“ – განაცხადა გიორგი ვაშაძემ.
სასამართლო რეფორმის ქართულ მოდელს „ახალი საქართველოს“, „გირჩის“, „ნაციონალური მოძრაობის“, „ევროპული საქართველოს“ ლიდერებმა და სხვებმა, 20–მდე პოლიტიკურმა პარტიამ და საზოგადოებრივი ორგანიზაციების წარმომადგენელმა მოაწერა ხელი.
ავტორი
თამთა ასლანიშვილი
