არჩევნების გაყალბების შესახებ გაკეთებულ ცალკეულ განცხადებებთან დაკავშირებით მწვავე შეფასებებს აკეთებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველი მოადგილე ირაკლი ზარქუა:
“რაც შეეხება აი ამ უსამშობლოებს, ე.ი. ამათი მიზანი რა არის – დაგაბრალონ და შემდეგ შენ თავი უნდა იმართლო.
თუ ამბობ, რომ გაყალბდა, წარმოადგინ მაშინ მტკიცებულებები. ამას ვერ აკეთებენ… მიეცით ჩვენება, წამოიღეთ ის თქვენი არგუმენტები და ვიმსჯელოთ მოსამართლესთან. ეს არ უნდათ და არც პროკურატურასთან უნდათ თანამშრომლობა.
კიდევ ერთხელ ვამბობ – ეს არის თითოეული ამ უსამშობლოს მცდელობა, რომ რამენაირად არჩევნები ჩაშალონ. ყველა ამ უბადრუკ, უარგუმენტო ბრალდებას პასუხი გაეცემა“, – აცხადებს ირაკლი ზარქუა.
