საქართველოს განათლების, მეცნიერების, კულტურისა და სპორტის სამინისტროს მხარდაჭერით მიხეილ თუმანიშვილის ფონდის მიერ დაფუძნებული კონკურსის „თარგმნილი პიესა 2020“ ჩატარდა.
კონკურსზე წარდგენილი იყო 13 უცხოური პიესა, ჟიურიმ გამოავლინა სამი საუკეთესო ნაწარმოები. გამარჯვებულებს ფულადი პრემიები და ფონდის პრიზი „თუმანიშვილის ვაშლი“ გადაეცათ.
კონკურსში გამარჯვებული პიესებია 1 ადგილი დავით გაბუნია – ტრეისი ლეტსი, „აგვისტო, ოსეიჯის ოლქი“ 2 ადგილი ქეთი ქანთარია – იგნაცი ვიტკევიჩი, „მეწაღეები;“ და 3 ადგილი ნინო გოგიჩაიშვილი – ბერნარ-მარი კოლტესი, „რობერტო ზუკო.“
კონკურსის ფარგლებში ჟიურიმ კიდევ სამი საუკეთესო თარგმანი დაასახელა, ესენია: ფლორიან ზელერის „მამა“ – მთარგმნელი ნანა სამჭკუაშვილი; გიიომ აპოლინერის „ტირესიასის ჯიქნები“ – მთარგმნელი ბაჩანა ჩაბრაძე; სემუელ ბეკეტის „გოდოს მოლოდინი“ – მთარგმნელი ინგა ჟღენტი.
როგორც ცნობილია თუმანიშვილის ფონდმა ეს პროექტი 2006 წელს დაიწყო და „თარგმნილი პიესა“ გარდა კიდევ პროექტი „ახალი ქართული პიესა“ ტარდება. კონკურსები ყოველწლიურად მონაცვლეობით ტარდება.
თუმანიშვილის ფონდი 1998 წელს, 27 მარტს, თეატრის საერთაშორისო დღეს შეიქმნა. მისი დამფუძნებელი და ხელმძღვანელი მანანა ანთაძე გახლავთ. ხოლო პიესები მსურველებისათვის ხელმისაწვდომი იქნება ინტერნეტ სივრცეში.
ავტორი
თამთა ასლანიშვილი
