ანალიტიკოსი, პოლიტიკის ექსპერტი გია ხუხაშვილი საქართველოში ჩატარებული საპარლამენტო არჩევნების კონკრეტულ შეფასებას ახდენს:
“რაც ჩვენ ვნახეთ, ეს არც ავტორიტარული და არც დიქტატორული რეჟიმის საოცნებო დემო-ვერსია იყო.
ეს იყო კლასიკური ტოტალიტარული რეჟიმის ქცევის ეპიზოდი.
ტოტალიტარიზმი დიქტატურისგან იმით განსხვავდება, რომ დიქტატურა ერთი კაცის ხელში ძალაუფლების კონცენტრაციას გულისხმობს ძალადობრივი მეთოდებით.
ტოტალიტარიზმი კი უფრო შორს მიდის – ის იგივეს ძალადობრივის გარდა, აღწევს ადამიანის პირადი ცხოვრების ყველა ასპექტის ტოტალური კონტროლით – ზღუდავს მის თავისუფალ ნებას, არღვევს პირადი ცხოვრების საიდუმლოებას, დღისით “ყურზე აზის” და უთვალთვალებს, ღამით საწოლში უწვება.
სწორედ ეს ვიხილეთ ჩვენ არჩევნებამდე და არჩევნების დღეს…“, – წერს ფეისბუქის პირად გვერდზე გია ხუხაშვილი.
