ტელეკომპანია “მთავარი არხის” საავტორო გადაცემის წამყვანი, ნანუკა ჟორჟოლიანი სოციალურ ქსელში სტატუსს აქვეყნებს კონკრეტულ ვიდეოსთან დაკავშირებით, სადაც, მისი თქმით, მმართველი პარტიის ერთ-ერთი აქტივისტი ირონიული ფორმით აღიარებს, არჩევნების დღისთვის, ხალხის ტრანსპორტირებისთვის შეგროვილი თანხის მისაკუთრებას:
,,გამომიგზავნეს ვიდეო, სადაც ქოცი ახალგაზრდა ბედნიერი ყვება, როგორ გადაგვარიცხინა 200 ლარი. აგვახია მისი განმარტებით.
სახეს მალავს. თავადაც იაზრებს, რომ თითო ლარით შეგროვებული ფონდიდან ფულის “ახევა” მთლად კარგი საქციელი არაა.
მაგრამ იცით რა სხვაობაა, ფერად ბავშვებსა და მათ შორის. ესენი მორჩენილ 20 და 15 ლარს უკან აბრუნებენ, ისინი…🙂
ბიჭი, (რა გქვია არ ვიცით და ამიტომ მოგმართავ ასე) გჩუქნით მაგ 200 ლარს. იმედია ძალიან გჭირდებოდა😍”, – წერს ნანუკა ჟორჟოლიანი.
ინფორმაციისთვის: ნანუკა ჟორჟოლიანმა ხალხის მიერ შეგროვებული თანხით 26 ოქტომბრის არჩევნებისთვის ტრანსპორტით გადაადგილების ხარჯები დაუფარა იმ ადამიანებს, ვისაც რეგიონში გადაადგილება სჭირდებოდა, რათა ხმები არ დაკარგულიყო. 25 ოქტომბერს Facebook-ის გვერდზეც წარადგინა ანგარიში, თუ რა რაოდენობის თანხის გადარიცხვა მოხდა მოქალაქეებისთვის.
ავტორი
ნინი ხიჯაკაძე
