“ამერიკის პრეზიდენტის განცხადება ძალიან მნიშვნელოვანია იმიტომ, რომ ის პირადად აკვირდება საქართველოში მიმდინარე მოვლენებს”, – ამის შესახებ “ერთიანობა ნაციონალური მოძრაობის” ლიდერმა, გიორგი ვაშაძემ ბრიფინგზე განაცხადა.
მისივე თქმით, ამერიკა და ცივილიზებული სამყარო ქართველ ხალხს მხარდაჭერას უცხადებს:
“ამერიკის პრეზიდენტის განცხადება ძალიან მნიშვნელოვანია იმიტომ, რომ ის პირადად აკვირდება საქართველოში მიმდინარე მოვლენებს;
მეორე – ის არ აღიარებს მიმდინარე შედეგებს;
და მესამე – უჭერს მხარს ქართველ ხალხს.
ეს არის უმნიშვნელოვანესი განცხადება იმისთვის, რომ ჩვენ, ვინც გავიმარჯვეთ, და რა თქმა უნდა, ხალხს, ჰქონდეს მხარდაჭერა ცივილიზებული სამყაროსგან. მადლობა ამ განცხადებისთვის”, – განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
