მოქმედი ხელისუფლების პირობებში საქართველოს მოქალაქეების, განსაკუთრებით ახალგაზრდების ემიგრაციაში მასობრივად წასვლაზე საუბრობს და მწვავე შეფასებებს აკეთებს “ერთიანობა ნაციონალური მოძრაობის” პრესსპიკერი ლევან სანიკიძე:
“უკანასკნელი 12 წლის მანძილზე იძულებითი ემიგრაცია ჩვენი თანამოქალაქეების უმრავლესობისთვის საკუთარი თავის გადარჩენის ერთადერთ საშუალებად იქცა.
მხოლოდ 2023 წელს საქართველო 165 ათასმა ჩვენმა თანამოქალაქემ დატოვა. საგანგაშოა ის მაჩვენებელიც, რომ აქედან 70 პროცენტი არის 30 წლამდე ჩვენი თანამოქალაქე.
ახალგაზრდები, ამ ქვეყნის მთავარი მაშენებლები, რომლებიც უნდა ქმნიდნენ ეკონომიკურ დოვლათს, უპერსპექტივობის გამო ტოვებენ ჩვენს სამშობლოს. იძულებითი ემიგრაცია დიდ ეროვნულ ტრაგედიად იქცა, რაზეც პირდაპირ არის დამოკიდებული ჩვენი დემოგრაფიული კატასტროფა”, – განაცხადა ლევან სანიკიძემ.
ინფორმაციას “ერთიანობა – ნაციონალური მოძრაობის” პრესსამსახური ავრცელებს
