“კარგია, ასეთი გადაწყვეტილება რომ იქნა მიღებული, 15 დღით ადრე ეს უბანი არ უნდა გაუქმებულიყო და იმედს ვიტოვებ, რომ მომავალშიც ეს საკითხი არ დაბრუნდება დღის წესრიგში,” – ამის შესახებ ცესკო-ს წევრმა ოპოზიციიდან, ანა კობახიძემ განაცხადა, რითაც ისრაელში საარჩევნო უბნებთან დაკავშირებით ცესკო-ს გადაწყვეტილებას გამოეხმაურა.
მისივე თქმით, ისრაელის საარჩევნო უბანი უსაფრთხოების ნორმებითაა უზრუნველყოფილი, რასაც მანამდე ჩატარებული მორიგი და რიგგარეშე არჩევნებიც მოწმობს:
“მნიშვნელოვანია ის, რომ 2236 ადამიანს არ დაეკარგა ხმის მიცემის შესაძლებლობას ისრაელში. ისინი თავად ამბობდნენ, რომ უსაფრთხო იყო უბნებზე მისვლა და ბევრი ფაქტი მოჰყავდათ ამისთვის. მაგალითად ის, რომ ისრაელში ტარდება შუალედური და რიგგარეშე არჩევნები, მორიგი არჩევნები, ასევე ჩატარდა ევროპარლამენტის არჩევნებიც და შენობა უზრუნველყოფილია ისეთი თავშესაფრებით, რომელთაც განგაშის დროს იყენებს კომისია, ასევე, მიღებულია დროებითი წესით, თუ ასეთი შემთხვევა მოხდა.
აქედან გამომდინარე, კარგია, ასეთი გადაწყვეტილება რომ იქნა მიღებული, 15 დღით ადრე ეს უბანი არ უნდა გაუქმებულიყო და იმედს ვიტოვებ, რომ მომავალშიც ეს საკითხი არ დაბრუნდება დღის წესრიგში.
ემიგრანტების აქტივობამ შედეგი გამოიღო იმ კუთხით, რომ კიდევ შვიდი უბანი ემატება უკვე გახსნილ უბნების სიას, კარგია ეს შედეგი და ახლა უკვე ჩვენს ემიგრანტებს უნდა მოვუწოდოთ, რომ რაც შეიძლება მეტი ადამიანი გამოცხადდეს საარჩევნო უბნებზე,” – განაცხადა კობახიძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
