,,ლეიბორისტული” პარტიის თავმჯდომარე, შალვა ნათელაშვილი Facebook live-ში მწვავე შეფასებას აკეთებს ანალიტიკოს გია ხუხაშვილის მოსაზრებებთან დაკავშირებით:
,,რამდენიმე საათის წინ გამოვიდა ყველა ხელისუფლების წინასწარმეტყველი, ყველა ოლიგარქის მწველავი, ხუხაშვილი – გაურკვეველი პროფესიის მოვლენა, ხანდახან რომ დააკვირდები, მარსიანელს ჰგავს.
ამ დროს ყველა მთავრობას წველის, ყველგან თამაშობს წინასწარმეტყველის როლს, ყველგან აკეთებს ანალიზს, ყველას არიგებს ჭკუას, ყველას კარგად ადებინებს ფულის დასტებს. ეს მახსოვს დაწყებული პატარკაციშვილიდან სააკაშვილამდე, მერე იმან წიხლისკვრით გამოაგდო, მერე ივანიშვილს მიეტენა. პრემიერ-მინისტრად, როგორც ამბობს, გახარია მან დაანიშნინა.
კომუნისტების დროს ეგ ხუხაშვილის ნაირები ჯინსებს ყიდნენ, მაქსიმუმ ეგ იყო მათი გასაქანი. იმიტომ, რომ იქ კარგად შეკრავდნენ ყველა რჯულის თაღლითს.
დღეს უკვე დაგვიანონსა სალომე ზურაბიშვილს პრემიერ-მინისტრობა სამომავლოდ. ეს კაცი რასპუტინია, რიშელიე, ტალეირანია, ფუშია – ვინ არის ვერ გავიგე?!
ნეტა ერთ-ერთი მაინც იყოს. ისინი თავისი ეპოქის მოვლენას წარმოადგენდნენ და მატიანეს ქმნიდნენ. ვიმეორებ, ჩვეულებრივი თაღლითია, მწველავი – სადაც ფულს ნახავს…
რა სალომე ზურაბიშვილის პრემიერობა?! რა დააშავა საქართველომ, ქართველმა ხალხმა, რომ მე-20, 21-ე საუკუნე ემსახუროს ზურაბიშვილს, მის პარაზიტ წინაპრებს?!”, – განაცხადა შალვა ნათელაშვილმა.
ავტორი
ნინი ხიჯაკაძე
