,,ერთიანობა – ნაციონალური მოძრაობის” ერთ-ერთი ლიდერი, გიგი უგულავა სააგენტო ,,პარალელთან’’ ინტერვიუში პარალელს ავლებს მიხეილ სააკაშვილსა და ბიძინა ივანიშვილს შორის:
,,მიშას 9 წლისა და ბიძინას 12 წლის შედარება შეიძლება მხოლოდ ერთადერთი ფრაზით – ცა და დედამიწაა განსხვავება.
როდესაც ჩვენ ჩავიბარეთ ქვეყანა, 2003 წლის დეკემბერში და გადავაბარეთ ქვეყანა ეს იყო აბსოლუტურად განსხვავებული, ეს იყო არა ქვეყანა, არამედ სახელმწიფოებრივად შემდგარი სახელმწიფო, სახელმწიფო ინსტიტუტები.
როდესაც ჩვენ ჩავიბარეთ ქვეყანა მსოფლიო ბანკის შეფასებით იყო Faled State ანუ არშემდგარი სახელმწიფო. და როდესაც ივანიშვილს გადავაბარეთ სავსე ბიუჯეტით, გამართული ინფრასტრუქტურით, გამართული სახელმწიფო ინსტიტუტებით და ფუნქციური სახელმწიფოთი. ამის მეათედი არ გაუკეთებია ივანიშვილს, იმიტომ, რომ ივანიშვილის კონცეფცია საერთოდ განვითარების კი არაა, არამედ – არგანვითარების იმიტომ, რომ მისთვის საქართველო არ არის სახელმწიფო, მისთვის საქართველო არის როგორც მან თქვა ,,ერთი პატარა სოფელი’’.
შესაბამისად, მისთვის წარმოუდგენელია, მას არ სჯერა რომ ამ ქვეყანაში შეიძლება ფუნქციური, შემდგარი, ამაყი, თავდაჯერებული, მეგობრების მოყვარული და მტერთან მტრული დამოკიდებულების სახელმწიფო შეიქმნას. მას ეს უბრალოდ არ შეუძლია და ვერ წარმოუდგენია’’, – განაცხადა გიგი უგულავამ.
ავტორი
მარიამ ხაჩირაშვილი
