ოპოზიციის მიერ წამოყენებულ მოთხოვნა-შეზღუდვას ეხმიანება პარლამენტის თავმჯდომარე არჩილ თალაკვაძე და აღნიშნავს, რომ ეთანხმება ოპოზიციის ყველაზე პრინციპულ მოთხოვნას, რომ მთავრობის ფორმირება ვერშეძლოს პარტიამ თუკი ის ვერ გადალახავს 40%-იან ზღვარს:
“მესმის, რომ ზოგიერთი ოპოზიციური პარტია საუბრობს 5-ით მეტ, თუ 5-ით ნაკლებ მანდატზე, ჩვენ მიგვაჩნია, რომ მაშინ როდესაც დაცულია მთავარი პრინციპები, მაშინ როდესაც ჩვენ მზადყოფნა გამოვთქვით კანონმდებლობაზე მუშაობის და მისი დახვეწის, მანდატების რაოდენობა ხდება მეორეხარისხოვანი, შესაბამისად იქნება 5-ით მეტი მანდატი თუ ნაკლები, პროპორციულ თუ მაჟორიტარულ ნაწილში, ჩვენთვის ეს არ არის ახლა მთავარი და პრინციპული.
ოპოზიციის ყველაზე პრინციპული მოთხოვნა – რაც იყო 40%-იან ზღვართან დაკავშირებით, სადაც მათ თქვეს, რომ თუ პოლიტიკური პარტია ვერ აიღებს 40%-ს და მეტს, მას უმრავლესობის დაკომპლექტებისა და მთავრობის ფორმირების საშუალება არ უნდა ჰქონდეს, რა თქმა უნდა, ამაზე ჩვენ გვქონდა შემხვედრი პოზიცია – ჩვენთვის, პირიქით, არის ის, რომ არასოდეს გვიფიქრია ხელისუფლება 40%-ზე ნაკლები მხარდაჭერის პარტიამ დააკომპლექტოს,” – განაცხადა არჩილ თალაკვაძემ.
