,,სტრატეგია აღმაშენებლის” ახალგზარდული ორგანიზაციის ერთ-ერთი ლიდერი, ამირან ნატრიაშვილი სააგენტო ,,პარალელთან” ინტერვიუში, საუბრობს პარტია ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის ოჯახის მოსალოდნელ სანქცირებასთან დაკავშირებით:
,,ყველა ის ადამიანი, რომელიც ცდილობს, რომ საქართველოში შეცვალოს ქართველი ხალხის ნება და იმოქმედოს ქართველი ხალხის ნების საწინააღმდეგოდ, მიიღებს შესაბამის პასუხს ქართველი ხალხის მეგობრებისგან – ეს გახლავთ ამერიკა და ევროკავშირი.
ჩვენ ვხედავთ, თუ როგორი შედეგი გამოიღო ამ სანქციებმა, რადგანაც დღეს ბიძინა ივანიშვილს რაც ადარდებდა და ადარდებს, ეს არ იყო ხალხი და ქვეყანა, ეს გახლდათ მისი ქონება და ფული. ჩვენ დავინახეთ, სანქციების შემდეგ, თუ როგორ შეიცვალა მათი რიტორიკა, პოზიციები, თუმცა ქართველი ერი ჭკვიანია და ის ყველაფერს ხედავს და იაზრებს.
აუცილებლად უნდა მივიდეთ 26 ოქტომბერს არჩევნებზე და მხარი დავუჭიროთ საქართველოს გამარჯვებას, ევროპულ მომავალს. ქართველი ხალხის ნების საწინააღმდეგოდ ვინც იმოქმედებს, ყველა მიიღებს შესაბამის პასუხს ამერიკისა და ევროკავშირისგან.
ჩვენ დავინახეთ ,,ქართული ოცნების” შეშინებული ლიდერები, შეშინებული ბიძინა ივანიშვილი, რომელიც აკვარიუმით დადის მხარდამჭერებთან შესახვედრად – ეს ყველაფერი კი იმაზე მეტყველებს, რომ მათი საქმე არის წასული, რომ მათ წაგებული აქვთ არჩევნები და აღარ იციან როგორ უშველონ საკუთარ თავს, რადგანაც მათ აუცილებლად მოუწევთ ქართველი ხალხის წინაშე პასუხისგება ყველა იმ დანაშაულზე, ქურდობაზე რომლებსაც ისინი ყოველდღიურად ამ 12 წლის მანძილზე ახორციელებდნენ.
ჩვენ ამ სანქციებით კიდევ ერთხელ დავინახეთ, რომ ამერიკა და ევროპა ყოველთვის იყო ქართველი ხალხის გვერდით და ყოველთვის იქნება, რადგანაც ქართველი ხალხის ნება არის, რომ საქართველი იყოს დემოკრატიული ქვეყანა. სწორედ ამიტომ – 26 ოქტომბერს უნდა მივიდეთ არჩევნებზე და მხარი დავუჭიროთ ჩვენი ქვეყნის ევროპულ მომავალს”, – განაცხადა ამირან ნატრიაშვილმა.
ავტორი
ნინი ხიჯაკაძე
