პარლამენტის ვიცე-სპიკერი, მამუკა მდინარაძე პრეზიდენტ სალომე ზურაბიშვილის მიერ გაკეთებულ კომენტარებს ეხმიანება, სადაც იგი ქვეყანაში მიმდინარე პროცესებსა და ოპოზიციური გაერთიანებების საკითხზე საუბრობს:
“სულ რაღაც 65 წამში, სალომე ზურაბიშვილმა გვაჩუქა 5 სიმბოლური და პრაქტიკული აღიარება:
1. საერთო პატრონის მიუხედავად, ოპოზიციურ პარტიებს ელემენტარული შეთანხმების მიღწევაც კი ძალიან უჭირთ (წარმატების შანსიც რომ ქონდეთ, კოალიციის მაგივრად მივიღებთ ქაოსს);
2. ოპოზიციაში არ არსებობს ძალა, რომელსაც აქვს გამარჯვებასთან მიახლოების თეორიული შანსიც კი;
3. ”გამოკვლევებული” ოთხი პარტიიდან ოთხივე დაახლოებით ერთი წონისაა (რაც ნიშნავს, რომ ბარიერს მიღმა ნაცმოძრაობაც შეიძლება ვიხილოთ. ისეთ რისკზე მიდიან, ხუთიანის ბანერებსაც არ აკვრევინებენ – ოღონდ სხვებმა ბარიერი გადალახონ, რაც, მაგალითად, გახარიას შემთხვევაში პრაქტიკულად გამორიცხულია 😊);
4. სააკაშვილის, გვარამიას, ხაზარაძის და გახარიას პარტიები მოქმედებენ საერთო გეგმით;
5. ამ ოთხი პარტიის საერთო მიზნის ქვეშ გაერთიანებაც (ქარტიაზე ხელმოწერა) გარე ძალების დამსახურებაა.
მადლობა ქალბატონო სალომე ასეთი ლაკონური გულწრფელობისთვის, ან წამოცდენებისთვის, თქვენ უფრო იცით…😊😊😊“, – წერს ფეისბუქის საკუთარ გვერდზე მამუკა მდინარაძე.
