“ბიძინა და მისი კლანი ყიდიან ქვეყნის ღირსებას საკუთარი ძალაუფლების შენასანარჩუნებლად”, – ასე ეხმაურება “ერთიანობა-ნაციონალური მოძრაობის” ერთ-ერთი ლიდერი, გიორგი ვაშაძე კალაძის განცხადებას, რომელიც ლავროვის გეგმებს პოზიტიურად აფასებს.
მისივე თქმით, 26 ოქტომბრის არჩევნები ქვეყნის გადარჩენისა და დამოუკიდებლობის შენარჩუნების ბოლო შანსია:
“ბიძინა და მისი კლანი ყიდიან ქვეყნის ღირსებას საკუთარი ძალაუფლების შენასანარჩუნებლად.
ჩვენ არასოდეს მოვიხდით ბოდიშს თავისუფლებისა და სამშობლოს სიყვარულისთვის.
ხელისუფლება, რომელიც დღითიდღე სულ უფრო იშლება, გვპირდება მხოლოდ სიღარიბეს და იზოლაციას.
სწორედ ამიტომ 26 ოქტომბრის არჩევნები არის ბოლო შანსი საქართველო იყოს დამოუკიდებელი, ევროკავშირის წევრი ქვეყანა სადაც ევროპული სიკეთეები აისახება თითოეულ ქართულ ოჯახზე.
როცა ერთად ვართ, ვიმარჯვებთ!“- განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
