ანალიტიკოსი, ჟურნალისტი არჩილ გამზარდია უნივერსიტეტების სრულ და უპირობო ავტონომიას მოითხოვს, ხელისუფლების ცვლილების შემთხვევაში, ხელისუფლებაში მოსული დღევანდელი ოპოზიციისგან:
“თუ დღევანდელი ოპოზიცია მოვა ხელისუფლებაში, პირველ რიგში უნივერსიტეტები უნდა გაანთავისუფლოს ხელისუფლებისგან, გააუქმოს აკრედიტაცია და ავტორიზაცია.
საკუთარ რეპუტაციას თავად მიხედონ უნივერსიტეტებმა.
ხელისუფლებას არაფერი ესაქმება უნივერსიტეტებში“, – აღნიშნავს არჩილ გამზარდია.
მანამდე, ისევ სოციალურ ქსელში არჩილ გამზარდია იხსენებს ილიას სახელმწიფო უნივერსიტეტში მისი მოღვაწეობის პერიოდს:
“თითქმის 9 წელი ვიმუშავე ილიაუნიში და დღემდე სულიერი ძაფები მაკავშირებს ამ უნივერსიტეტთან, რომელმაც განმავითარა, თვითრეალიზაციის სივრცე მომცა და მრავალი ტკბილი მოგონება დამიტოვა.
ამ უნივერსიტეტის თვითმყოფადობა ყოველთვის უნდა იყოს შენარჩუნებული და არ შეიძლება მუდმივად ძალაუფლების მხრიდან ბრძოლა, სადაც პოლიტიკური ინტერესების გამო განათლების სივრცესაც წირავენ, სტუდენტებსაც, ლექტორებსაც და არაერთ სამეცნიერო წარმატებასაც.
ხელისუფლებების ბრძოლა უნივერსიტეტებთან უნდა დასრულდეს!
ჩემი სოლიდარობა ილიაუნის“, – აცხადებს არჩილ გამზარდია.
