“ეშინიათ მიხეილ სააკაშვილის, რადგან იციან, რომ საქართველოში რუსული გავლენის დამარცხების ფორმულა არის მისი პოლიტიკური მოძრაობა” – ირაკლი ფავლენიშვილი

„მიხეილ სააკაშვილი დამალეს მხოლოდ ერთი მიზეზით, რომ არ გამოჩენილიყო „ერთიანობა ნაციონალური მოძრაობის“ ბრენდირებული მაისური. ეშინიათ მიხეილ სააკაშვილის, რადგან იციან, რომ საქართველოში რუსული გავლენის დამარცხების ფორმულა არის მიხეილ სააკაშვილის პოლიტიკური მოძრაობა, რომელიც 26 ოქტომბერს ითამაშებს გადამწყვეტ როლს ივანიშვილის მოშორებაში“, – განაცხადა ,,ერთიანობა ნაციონალური მოძრაობის“ გენერალური მდივნის მოადგილე, ირაკლი ფავლენიშვილმა, მიხეილ სააკაშვილის სასამართლო პროცესთან დაკავშირებით:

,,პოლიტიკური მართლმსაჯულების კიდევ ერთ პროცესზე, მიხეილ სააკაშვილის ვიზუალური გამოსახულების ხილვის საშუალება არ გვქონდა, მხოლოდ იმ მიზეზის გამო, რომ ,,ერთიანობა ნაციონალური მოძრაობის“ ბრენდირებული მაისური ეცვა საქართველოს მესამე პრეზიდენტს. დიახ, ასე ეშინია მხდალ ივანიშვილს და მის გუნდს, რომლებიც ბოდიშს უხდიან საქართველოს მტრებს, მიხეილ სააკაშვილის და ,,ერთიანობა ნაციონალური მოძრაობის“.

მათ იციან, რომ საქართველოში რუსული გავლენის კორუფციის და კრიმინალის დამარცხების ფორმულა არის მიხეილ სააკაშვილის პოლიტიკური მოძრაობა და პოლიტიკური ორგანიზაცია, რომელიც 26 ოქტომბერს ითამაშებს გადამწყვეტ როლს ანტიქართული რეჟიმის მოშორებაში.

ვერანაირად ვერ შეძლებენ, ვერანაირი რეპრესიებით მიხეილ სააკაშვილის და მისი გუნდის გატეხას და უნდა ითქვას პირდაპირ, რომ მიხეილ სააკაშვილის ხმის გაგონება მაინც შევძელით და სანამ, მიხეილ სააკაშვილის და ყველა საქართველოს თავისუფლებისთვის მებრძოლის ხმის გაგონება შეეძლება ოცნებას, რა თქმა უნდა ეშინიათ, მაგრამ ამ ხმის გაგონება ყველაზე მტკივნეულად მოუწევთ 26 ოქტომბერს, როდესაც ქართველი ხალხი ერთად ეტყვის უარს კორუფციას, ერთად ეტყვის უარს ემიგრაციას და ერთად ეტყვის უარს საქართველოს ღალატს და საქართველოს მესამე პრეზიდენტის დასჯას თავისუფლების გამო“. განაცხადა ირაკლი ფავლენიშვილმა.

ინფორმაციას “ერთიანობა – ნაციონალური მოძრაობის” პრესსამსახური ავრცელებს