“ივანიშვილი ძარცვავს საქართველოს მოქალაქეებს თავისი კორუფციული ინტერესებით: ის კომუნალური გადასახადების განახევრებას გვპირდებოდა, მისი მმართველობის პერიოდში კი, კომერციული სექტორისთვის, ბუნებრივი აირი 54 თეთრით გაძვირდა“, – ასე ეხმიანება “ერთიანი ნაციონალური მოძრაობის” ანტიკორუფციული მდივანი ვასო ურუშაძე მმართველი პარტიის შეუსრულებელ დაპირებებს:
“ივანიშვილი, რომელიც საქართველოს მოქალაქეებს ჰპირდებოდა კომუნალური გადასახადების განახევრებას ელექტროენერგიაზე, გაზზე, წყალზე და დასუფთავებაზე, მისი მმართველობის პირობებში 54 თეთრით გაძვირდა გადასახადი ბუნებრივ აირზე, რომელსაც მოიხმარს კომერციული სექტორი და როცა ჩვენ გაზრდილ ფასებზე ვსაუბრობთ, უნდა გვესმოდეს, რომ ეს სწორედ კომუნალური გადასახადების გაძვირებითაა გამოწვეული:
ყველა კერძო საწარმო, რომელიც პროდუქტს აწარმოებს, ბუნებრივ აირს გამოიყენებს და ივანიშვილის კორუფციული ინტერესის გამო გაძვირებული ბუნებრივი აირი პირდაპირ არის ასახული იმ სფეროში, სადაც ადამიანები ყოველდღიურად მოიხმარენ პურს, საკვებ პროდუქტებს, სხვადასხვა მომსახურების სერვისებს.
ამიტომ, ივანიშვილი ძარცვავს საქართველოს მოქალაქეებს თავისი კორუფციული ინტერესებით“, – განაცხადა ვასო ურუშაძემ.
ინფორმაციას “ერთიანობა – ნაციონალური მოძრაობის” პრესსამსახური ავრცელებს
