“ქართული ოცნება” მარცხდება და ვიმარჯვებთ ჩვენ, იმარჯვებთ თქვენ, 26 ოქტომბერს “ოცნების” დამარცხების დრო მოვიდა იმიტომ, რომ მათ მოაქვთ ბოროტება, დაპირისპირება, ყველაფერი ის, რაც ღირსებასთან შეუთავსებელია”, – ამის შესახებ “ერთიანობა-ნაციონალური მოძრაობის” ერთ-ერთმა ლიდერმა, გიორგი ვაშაძემ ყვარელში გამართულ ღონისძიებაზე განაცხადა.
როგორც ვაშაძე აღნიშნავს, “ოცნება” ხალხს ყოფს და აპირისპირებს, ხოლო “ერთიანობას” მოაქვს კეთილდღეობა, დასაქმება და განვითარება აშშ-სთან და ევროკავშირთან ერთად:
“ქართული ოცნება” მარცხდება და ვიმარჯვებთ ჩვენ, იმარჯვებთ თქვენ, 26 ოქტომბერს “ოცნების” დამარცხების დრო მოვიდა, იმიტომ, რომ მათ მოაქვთ ბოროტება, დაპირისპირება, ყველაფერი ის, რაც ღირსებასთან შეუთავსებელია.
ქართველი ხალხი არასდროს ბოდიშს არ მოიხდის მტრის წინაშე და ამას ჩვენ 26 ოქტომბერს ვაჩვენებთ ყველას, მთელ მსოფლიოს. ოცნება შერიგებაზე საუბრობს, არადა მთელი მათი მმართველობა დაპირისპირებაზეა აგებული, ვინ შეარიგეს? დააპირისპირეს ხალხი, გადაკიდეს ერთმანეთს, მტრის ხატის ძიება, მუდმივად გადაბრალება სხვაზე.
მივმართავ ივანიშვილს – ეს არის შერიგება, რაც ახლა საქართველოშია? ეს გახლეჩვაა, აი, შერიგება და ერთიანობა მოგვაქვს ჩვენ, დიახ, ეროვნული თანხმობა, საქმის კეთება, განვითარება, ეს სჭირდება დღეს საქართველოს, მობეზრდა ქართველ ხალხს მუდმივი ლანძღვა, რომ თურმე ყველაფერი “ერთიანი ნაციონალური მოძრაობის” ბრალია, ყველაფერი მიშა სააკაშვილის ბრალია.
12 წელია ხართ ხელისუფლებაში, ხალხო, თქვენ თავს დაუსვით კითხვა, რა მოიტანეთ საქართველოში, მოიტანეთ – მეტი გაჭირვება, კორუფცია, კრიმინალი, ნარკომანია და მოიტანეთ რუსეთი, მეტი რა მოიტანა “ქართულმა ოცნებამ”? ჩვენ მოგვაქვს ევროპა, კეთილდღეობა, განვითარება, ერთიანობა, ევროპული და ამერიკული ინვესტიციები და რაც მთავარია, ძლიერი ქართული ოჯახი – ეს არის განსხვავება ჩვენსა და მათ შორის.
მათ უნდათ, რომ ის უვიზო მიმოსვლა, რომელიც გვაქვს ევროკავშირთან, ესეც კი შეგვიწყვიტონ. ჩვენ გვინდა, რომ უვიზო მიმოსვლა დავიწყოთ აშშ-სთან, მათ უნდათ, რომ აშშ მტრად გამოაცხადონ, ჩვენ გვინდა, რომ 14 მლრდ მოვიტანოთ, მათ უნდათ, რომ იყვნენ კარგად, ბიუჯეტის ფული შეხრან და ხალხი იყოს უკიდურეს გაჭირვებაში, ეს არის განსხვავება ჩვენსა და მათ შორის და როგორ შეიძლება “ოცნებამ” გაიმარჯვოს ამ არჩევნებზე? პოლიტიკურმა ძალამ, რომელმაც გააქცია მილიონი ადამიანი ქვეყნიდან. შობადობა 20 000 კაცით შემცირდა ქვეყანაში, ისედაც 60 000 ბავშვი იბადებოდა და კიდევ შემცირდა, როგორ შეიძლება ქვეყანა განვითარდეს, სადაც დემოგრაფიული კატასტროფაა?
გამოდიან და ამბობენ ხალხი დავასაქმეთო, სირცხვილი არ არის? სად არის სამუშაო ადგილი საქართველოში 300 და 200 ლარს რომ ადამიანებს უხდიან, ამას სამუშაოს ეძახიან ესენი, არა მეგობრებო, ჩვენ შემოვიტანთ საქართველოში 14 მილიარდს და მინიმალური ხელფასი იქნება 1500 ლარი, ხოლო საშუალო ხელფასი 3500 ლარი, ამის პირობას გაძლევთ ჩვენ. 26 ოქტომბერი არის მართლაც რეფერენდუმი, ერთ მხარეს არის სიღატაკე იზოლაციაში, მეორე მხარეს არის კეთილდღეობა ევროკავშირში, ძალიან მკაფიოა არჩევანი, მერწმუნეთ ბევრი, ვინც ხმამაღლა არ ამბობს, მივა საარჩევნო ურნასთან და გააკეთებს პოზიტიურ არჩევანს საქართველოს სასარგებლოდ.
ჩვენ წავალთ წინ და ისინი დარჩებიან იმ ჭაობში, რომელსაც ამდენი ხანი იშენებდნენ, ჩვენს გვერდითაა მთელი მსოფლიო, ამას მოწმობს სანქციები, ჩვენს მხარესაა სიკეთე, წინ დიდი გამარჯვებისკენ, ოცნება მარცხდება, მთავარია დავიჯეროთ, სიმართლე იმარჯვებს!”, – განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
