“ასე გამოიყურება ტვერის ოლქში იარაღის საწყობის აფეთქების შედეგად წარმოშობილი ღრუბელი კოსმოსიდან” – ზურაბ ბატიაშვილი

უკრაინული დრონების შეტევის შედეგად რუსეთის ტვერის ოლქში იარაღის უდიდესი საწყობის აფეთქებას ეხმიანება სტრატეგიისა და საერთაშორისო ურთიერთობების კვლევის ფონდის (რონდელის ფონდის) მკვლევარი, აღმოსავლეთმცოდნე, ისტორიის მეცნიერებათა დოქტორი ზურაბ ბატიაშვილი:

“ასე გამოიყურება ტვერის ოლქში იარაღის საწყობის აფეთქების შედეგად წარმოშობილი ღრუბელი კოსმოსიდან. აღნიშნული საწყობი წუხელ აააფეთქეს უკრაინელებმა დრონებით.

საერთო ჯამში განადგურებულია 30 000 ტონზე მეტი შეიარაღება, რისი საერთო ღირებულებაც მილიარდობით დოლარით განისაზღვრება.

აფეთქების შედეგად წარმოშობილ ხანძარს, რა თქმა უნდა, ვერ აქრობენ. დამწვარია უამრავი შენობა. მსხვერპლის რაოდენობა ამ ეტაპისთვის უცნობია. ახლომდებარე დასახლებული პუნქტებიდამ დაიწყეს მოსახლეობის ევაკუაცია“, – წერს ფეისბუქის პირად გვერდზე ზურაბ ბატიაშვილი.