პრეზიდენტ სალომე ზურაბიშვილის მედიატორობით პარტია “საქართველოსთვის” თავმჯდომარისა, გიორგი გახარიასა და პარტია “ლელოს” თავჯდომარის, მამუკა ხაზარაძის შეხვედრას ირონიული და დამაკნინებელი შეფასებებით ეხმაურება ანალიტიკოსი ზაალ ანჯაფარიძე:
“სალომე და ოპოზიციის თოჯინების თეატრი – ამჯერად თოჯინებად გახარია და ხაზარაძე.
ეს ორი ამხელა კაცი რომ ამ დონეზე დეგრადირდა, რომ სალომეს ჩარევა დასჭირდათ მედიატორად, ამის იქით ხომ პოლიტიკური პლინტუსია ორივესთვის, თუ ამას ვერ ხვდებიან და ხვალ მორჩილად მიცოცდებიან სალომესთან, მერე დაითვალონ მათი ისედაც მწირი ამომრჩეველი.
თუკი ხაზარაძეს შეუძლია ასე მარტივად ერთი ხელის მოსმით, ან გარედან ვიღაცეების კარნახით ასე რადიკალურად შეიცვალოს პოზიციები გახარიას მიმართ, და იგივე შეუძლია გახარიასაც, მაშინ ეს ადამიანები რას იზამენ რეალურ პოლიტიკაში, თუკი ხელისუფლებაში მოხვდნენ? რას უწოდებენ ასეთებს, თავადაც კარგად იცით სიტუაცია დღესავით ნათელია, ეს არის უცხო ქვეყნის აგენტურის წინასაარჩევნო ფართხალი და იმის მკაფიო ნიშანი, რომ ძალიან გაუჭირდათ.
პირველი კითხვა საარჩევნო ხასიათის: გაერთიანების შემთხვევაში რა ნომრით გამოვა გახარიას პარტია? 9-იანით?
მეორე კითხვა პოლიტიკური ხასიათის: გახარიას პარტია თმობს საკუთარ პოლიტიკურ და პარტიულ იდენტობას? რა გზავნილი ექნება საკუთარი ელექტორატის მიმართ?
მესამე კითხვა რიტორიკული: ორი თაღლითის და ერთი მოღალატის გაერთიანება როგორ გამოიყურება?“, – წერს ფეისბუქის პირად გვერდზე ზაალ ანჯაფარიძე.
