ამერიკის შეერთებულმა შტატებმა, გავრცელებული ინფორმაციით, საქართველოს რამდენიმე მოქალაქეს ფინანსური სანქციები დაუწესა, სანქცირებულ პირებში კი სახელდება შსს განსაკუთრებულ დავალებათა დეპარტამენტის ხელმძღვანელი ზვიად ხარაზიშვილი და მისი მოადგილე მილერი ლაგაზაური. ასევე “ალტინფოს” დამფუძნებელი, “კონსერვატორული პარტიის” ლიდერები – ზურაბ მახარაძე და კონსტანტინე მორგოშია. ასევე, როგორც ცნობილი ხდება, რომ სახელმწიფო დეპარტამენტმა საქართველოს კიდევ 60 მოქალაქის, სავარაუდოდ “ქართული ოცნების” ლიდერების მიმართ, ახალი სანქციები დააწესა:
ინფორმაციისთვის:
“აშშ-ის საფინანსო უწყებამ (OFAC) სანქციები დაუწესა იმ პირებს, რომლებიც ძირს უთხრიან ფუნდამენტურ თავისუფლებებს, მათ შორის, გამოხატვის თავისუფლებებს საქართველოში.
კერძოდ, დასანქცირდნენ საქართველოს ხელისუფლების წარმომადგენლები, რომლებიც მშვიდობიანი დემონსტრანტებისა და პოლიტიკური ოპონენტების სასტიკ დარბევასთან არიან კავშირში“, – ნათქვამია ამერიკის შეერთებული შტატების საფინანსო უწყების განცხადებაში.
