,,ერთიანობა – ნაციონალური მოძრაობის” ერთ-ერთი ლიდერი, გიგი უგულავა სოციალურ ქსელში სტატუსს აქვეყნებს და ,,ქართული ოცნების” მიერ საარჩევნო კამპანიის ფარგლებში გამართული შეხვედრაზე პარტიის დამფუძნებლისა და საპატიო თავმჯდომარის ბიძინა ივანიშვილის გამოსვლას ეხმაურება და მის კონკრეტულ, მათ შორის, ადრინდელ გამონათქვამებს იხსენებს:
,,ივანიშვილი ტერიტორიული მთლიანობის აღდგენას ე.წ. “წაკუზვის პოლიტიკით” აპირებს. და წაკუზვის შედეგად რაც შეგვრჩება თავადაც ხვდებით.
მთელი მისი დღევანდელი გამოსვლა არის ღალატის ანატომია. ივანიშვილის მთელი არსი არის ღალატსა და თაღლითობაში. ეს ვიგინდარა გვარწმუნებს, რომ ახლა გავასამართლებთ სააკაშვილს და ჩვენ გმირ მებრძოლ სამხედროებს და მერე რუსები ტერიტორიებს დაგვიბრუნებენ. ხალხს იდიოტებად თვლის. 26 ოქტომბერს ამათ დედა უნდა ეტიროთ🤢
✍️ ბიძინა ივანიშვილის ციტატები:
– რამდენიმე წუთის წინ ბიძინა ივანიშვილმა თქვა, ტერიტორიული მთლიანობის აღდგენაზე მთავარი სათქმელი დღეისთვის შემოვინახეო და აი, ისიც:
‼️ 2008 წლის ომის გამო ბოდიშის მოხდა “ჩვენს ოს დებთან და ძმებთან” და მათთან ურთიერთობის აღდგენა! არავითარი რუსეთ-საქართველოს ომი არ არსებულა, ეს იყო “თექვსმეტი წლის წინანდელი მოვლენები” და კონფლიქტი ოს ხალხთან, რომელიც თურმე მიხეილ სააკაშვილმა და მისმა ხელისუფლებამ გააჩაღა!
🔻და აი, რას აპირებს!
💬 “როდესაც 2008 წლის მოვლენების დამკვეთებს ვამხელთ, ხოლო შემსრულებლებს კანონის წინაშე ვაგებინებთ პასუხს, აუცილებლად დადგება დღის წესრიგში ჩვენს ოს ძმებთან და დებთან ურთიერთობის აღდგენის საკითხი.
… “ქართული ნიურნბერგის პროცესი” ძალიან მალე ჩატარდება.
… 26 ოქტომბრის შემდეგ, როცა 2008 წლის ომის გამჩაღებლები კანონის წინაშე დაისჯებიან, ჩვენ აუცილებლად ვიპოვით ჩვენს თავში ძალას, რომ ბოდიში მოვიხადოთ…“💬
#FreeSaakashvili”, – წერს გიგი უგულავა სოციალურ ქსელში.
ავტორი
მარიამ ხაჩირაშვილი
