“თქვენთვის სასურველ დროს, სასურველ ტელეარხზე, მზად ვარ დავასახელო ის ევროპული ფონდები, საიდანაც მოვიზიდავთ 14 მლრდ ევროს – თუ მართალი ხართ, დავსხდეთ დებატებში” – გიორგი ვაშაძე კობახიძეს

„მე მზად ვარ პირდაპირ ეთერში ორივე დავსხდეთ და ვაჩვენო საზოგადოებას რომელ ფონდებზე არის საუბარი, იმიტომ, რომ მე ვერ გამოგყვებით ამდენ ტყუილში, რომელსაც თქვენ კადრულობთ“, – ასე უპასუხა „ერთიანობა-ნაციონალური მოძრაობის“ ერთ-ერთმა ლიდერმა, გიორგი ვაშაძემ პრემიერ-მინისტრის, ირაკლი კობახიძის განცხადებას 14 მილიარდიან დაფინანსებასთან დაკავშირებით.

მისივე თქმით, ევროკავშირში გაწევრიანების დაწყებისთანავე აღნიშნული დაფინანსება საქართველოსთვის ხელმისაწვდომი გახდება:

“ირაკლი კობახიძეს მინდა მივმართო, რომელიც თავის გუნდთან ერთად ბლოკავს 14 მილიარდი ევროს მიღებას. ბატონო ირაკლი, თქვენითვის სასურველ დროს, თქვენთვის სასურველ ტელეარხზე, მზად ვარ მოვიტანო სახელობითად ის ევროპული ფონდები, საიდანაც ჩვენ გვაქვს შესაძლებლობა მოვიზიდოთ 14 მლრდ ევრო. სახელობითად ჩამოგითვლით ყველა ფონდს, საიდანაც ჩვენ შეგვიძლია ის თანხა მოვიტანოთ და თუ თქვენ არ გეშინიათ სიმართლის და თუ თქვენ არ ბლოკავთ 14 მლრდ ევროს, მე მოვიტან ყველა იმ ფონდის დასახელებას, საიდანაც ჩვენ შეგვიძლია 14 მლრდ ევროს მოზიდვა. 14 მლრდ ევრო, რომელიც სამუშაო ადგილების შექმნაში, წარმოებების შექმნაში, სოფლის მეურნეობის განავითარებაში, განათლებაში, ჯანდაცვასა და ყველა სოციალური მიმართულებით შეიძლება გამოყენება.

მე მზად ვარ დოკუმენტალურად პირდაპირ ეთერში ორივე დავსხდეთ და ვაჩვენო საზოგადოებას რომელ ფონდებზე არის საუბარი, იმიტომ, რომ მე ვერ გამოგყვებით ამდენ ტყუილში, რომელსაც თქვენ კადრულობთ,იმიტომ რომ თქვენ ხართ მატყუარა ადამიანები, უფრო მეტიც დაკავებული ხართ ჩემი გამონათქვამების გაყალბებით, თქვენ მიერ მართულ ტელეარხებზე. რაც არ მითქვამს, იმას აწერთ ჩემს ფოტოს, ეს არის თქვენი სიყალბის ხელწერა.

ამიტომ თუ თქვენ მართალი ხართ არ უნდა შეგეშინდეთ და პირდაპორ ეთერში მოდით, დავსხდეთ დებატებში და ხალხის წინაშე მე ჩამოგითვლით ყველა იმ ფონდის სახელწოდებას, საიდანაც 14 მლრდ ევროს, მინიმუმ 14 მლრდ ევროს საქართველო მიიღებს გაწევრიანების, მოლაპარაკების შემდგომ, რომ სწრაფი ეკონომიკური განვითარება იყოს და საქართველო გახდეს ევროკავშირის სრულუფლებიანი წევრი. ველი თქვენგან პასუხს ბატონო ირაკლი, თუ არ გეშინიათ, გელოდებით დებატებში“, – განაცხადა ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს