თაკო ჩარკვიანი მამასთან, ჯანსუღ ჩარკვიანთან დაკავშირებით კონკრეტულ ფაქტებს განსაკუთრებული ემოციურობით იხსენებს:
“საქა-რ თ ვ ე ლ ო – სიტყვაში რთველია თაკო, ახლაც მესმის ის ინტონაცია ჯანსუღის – მამაჩემის, ბავშვობაში რომ მიხსნიდა…
საერთოდ, უყვარდა სიტყვაში ჩაღრმავება, სიტყვით თამაში, ეტიმოლოგიური ძიება, ჰოდა, ახლაც მახსენდება, როგორ მიხსნიდა: საქა-რთველო ანუ რთველი – ვენახი, ხომ გაიგე თაკო?? ჰოდა, აი საგალობელი რომ არის “შენ ხარ ვენახი, მორჩი, კეთილი, ედემს შინა ნერგული“…
ეს ვენახი ღვთისმშობელია – ღვთისმშობლისადმი საგალობელია, ესე იგი “საქა-რთველო” უეჭველად გადარჩება მეტყოდა ხოლმე, თან ამით იმას მეუბნებოდა, რომ ესე იგი გადასარჩენი იყო😊 მეც კმაყოფილი ვეთანხმებოდი უტყუარი ნდობით და ეჭვმიუტანლად.
ახლაც, ეს “შენ ხარ ვენახი” – რთველი საქართველო მიფანტავს ეჭვებს.
გადარჩება აბა რა🙏✌️“, – წერს ფეისბუქის პირად გვერდზე თაკო ჩარკვიანი.
