,,ერთიანობა – ნაციონალური მოძრაობის’’ ერთ-ერთი ლიდერი, გიგი უგულავა სააგენტო ,,პარალელთან’’ ინტერვიუში მწვავე შეფასებებს აკეთებს ,,ქართული ოცნების’’ დამფუძნებლისა და საპატიო თავმჯდომარის ბიძინა ივანიშვილის მიმართ:
,,ყველაზე სამარცხვინო არის ის, როცა ადამიანი, რომელიც არის შეშინებული; მშიშარა ადამიანი, რომელიც საკუთარ ხალხთან, საკუთარ მომხრეებთანაც კი ვერ ბედავს, რომ გამოვიდეს ჩვეულებრივად და მართავს ამ ქვეყანას, მიათრევს რუსეთში; ადამიანი, რომელიც დუშ-კაბინით დაიარება, შუშის ბრონირებული აკვარიუმით – მსგავსი რამ არ ჩაუდენია საქართველოს ისტორიაში არავის.
ჩვენ გვყავდა პრეზიდენტები, რომლებიც სიკვდილამდე მიიყვანეს, გვყავდა პრეზიდენტები, რომლებსაც ესროდნენ, აფეთქებდნენ, ბომბავდნენ, ყველაფერი ეს გამოვლილი გვაქვს, მაგრამ ასეთი სამარცხვინო მმართველი საქართველოს არასდროს არ ჰყოლია.
სწორედ ამიტომ უნდა დავფიქრდეთ – ადამიანი, რომელიც მშვიდობით სპეკულირებს, ადამიანი, რომელიც განსხვავებული აზრის და ყველას დაჭერით იმუქრება, პრაქტიკულად თვითონ ხელს აწერს სამოქალაქო დაპირისპირებას. ივანიშვილი უდრის სამოქალაქო დაპირისპირების ამ ქვეყანაში. ივანიშვილი თუ დარჩა ხელისუფლებაში ეს ქვეყანა შეიძლება გაიხლიჩოს. ივანიშვილი არათუ მშვიდობის მომტანია, ივანიშვილი არის მაოხრებელი ამ ქვეყნის იმიტომ, რომ ყველაზე დამანგრეველი ნებისმიერი ერისთვის არის სწორედ სამოქალაქო დაპირისპირება.
სამწუხაროდ, ივანიშვილი არის ბილეთი სამოქალაქო დაპირისპირების. ეს არის მთავარი პრობლემა და ამის გამო არის ეს ადამიანი მაოხრებელი, შავი ჭირი ამ ქვეყნისთვის და ეს ადამიანი უნდა მოვიშოროთ, როგორც დაავადება თუ გვინდა, რომ სახელმწიფოებრივი სხეული გაძლიერდეს და ამ კრიზისიდან გამოვიდეს’’, – განაცხადა გიგი უგულავამ.
ავტორი
მარიამ ხაჩირაშვილი
