პარტია ,,ახალი ქრისტიან-დემოკრატების” თავმჯდომარე, ამჟამად ემიგრაციაში მყოფი, გოგი წულაია ვიდეომიმართვას აკეთებს, სადაც საუბრობს არჩევნებში ემიგრანტების მნიშვნელოვან როლთან დაკავშირებით:
,,2012 წელს ზუსტად ემიგრანტების ხმებით მოვიდა ,,ქართული ოცნება” ხელისუფლებაში. ეს ძალიან კარგად აქვს გაცნობიერებული ბიძინა ივანიშვილს, ამიტომ ის ყველაფერს გააკეთებს, რომ ემიგრანტებს არ მიგვაღებინოს მონაწილეობა.
მე მინდა მოვუწოდო ყველა ემიგრანტს, პოლიტიკურ პარტიას, რომ ასე ხელჩამოშვებული და უბრძოლველად ნამდვილად ვერ გავიმარჯვებთ. ამიტომ საჭიროა ერთი დღის დაანონსება, რომ მსოფლიოს ყველა ქალაქში, სადაც ემიგრანტები ცხოვრობენ, თბილისშიდაც – ერთდროულად, რამდენიმე ევროპულ და ამერიკულ ქალაქში, ჩატარდეს აქციები ერთი მოთხოვნით – ახვრები ხართ და უზნეოები ხართ ხელისუფლების წევრებო, იმ ადამიანებს, რომლებსაც თავისი გზავნილებით ლომის წილი აქვთ ეკონომიკის შენარჩუნებაში მაგ ქვეყანაში, ეუბნებოდე უარს – ,,არჩევნებში არ მიგაღებინებ მონაწილეობასო”.
ეს არის მაგარი უზნეობა და ამათ ძალით უნდა დავუპირისპირდეთ, ამიტომ მე მოგიწოდებთ ყველას – დავრაზმოთ აქციები ევროპის ყველა ქვეყანაში ერთ დღეს!”, – განაცხადა გოგი წულაიამ.
ავტორი
ნინი ხიჯაკაძე
