საპარლამენტო უმრავლესობის წევრი, ირაკლი ზარქუა კომენტარს აკეთებს ევროპელი და ამერიკელი პარტნიორების საქართველოში ვიზიტსა და ჟურნალისტებთან გაკეთებულ განცხადებებთან დაკავშირებით:
,,ყოველწლიურად იკრიბებიან ჩვენი ადგილობრივი უსამშობლოები – აგენტურა და შემდეგ ზოგი ხელმოცარული დიპლომატი, ზოგი ევროპარლამენტს მიღმა დარჩენილი, მაგალითად, ფოტიგა საკუთარმა მოსახლეობამ არ აირჩია და ახლა ბევრი დრო აქვს… ამიტომ მოგზაურობს, რატომაც არა?! ულამაზესი ქვეყანა გვაქვს – ხან აქ შემოირბენს, ხან იქ შემოივლის, თან უფინანსებენ და ა.შ. ბევრი ,,ფოტიგები” ესწრებიან.
რა არის ეს? ეს არის უბრალოდ გაერთიანება ალქაჯების, რომლებიც მორალს გვიკითხავენ, გვმოძღვრავენ, დემოკრატიაზე ე.ი. ნოტაციებს გვიკითხავენ და ვინ მერე, ხალხნო?!
მოვისმინე ერთი ამერიკელის პოზიცია, დევიდ კრამერის, ერთ-ერთ უსამშობლო არის კიდევ, მორიგი ,,ნაცების” სატელიტი და ლობისტი, რომელიც მორალს გვიკითხავს…
ბიჭო, შენს ქვეყანაში პრეზიდენტობის კანდიდატს ტყვიას ესვრიან, ოპონენტები კიდევ ბრალს გდებენ – რესპუბლიკელები, რომ ბაიდენის მთავრობა იურიდიულ დეპარტამენტს იყენებს პოლიტიკური ნიშნითო ანუ დევნას ახორციელებსო… ასეთი შეხლა-შემოხვლა გაქვთ, ასეთი ფაქტები გაქვთ, მერე რანაირად შემოგიტრიალდება ენა, რომ საქართველოს ხელისუფლებას ან ქართველ ხალხს ჭკუა ასწავლო დემოკრატიაზე?!”, – განაცხადა ირაკლი ზარქუამ.
ავტორები
ნინი ხიჯაკაძე
ალექსანდრე ლეჟავა
