საპარლამენტო უმრავლესობის წევრი, დიტო სამხარაძე Facebook-ის პირად გვერდზე მორიგ სტატუსს აქვეყნებს, სადაც ოპოზიციასთან დაკავშირებით მწვავე პოლიტიკურ შეფასებებს აკეთებს:
,,ახტა-დახტა უცხო ქვეყნების მფლობელობაში მყოფი საქართველოს წინააღმდეგ მოქმედი აგენტი ოპოზიცია და მივიდა მის მეპატრონესთან! ,,გვიშველეთ, ,,ქართული ოცნება” გასამართლებას და თქვენს მიერ დავალებული ანტიქართული ქმედებების შესრულების გამო, პარტიის აკრძალვასაც გვიპირებსო!” აღშფოთდა მეპატრონე, ,,ეს როგორ შეიძლება, ანტიდემოკრატიულია, ჩვენი აგენტურა თუ საქართველოს მოსახლეობის წინააღმდეგ დანაშაულებებს ჩადიოდა, არაფერია იმასთან შედარებით, რა სიკეთეც აქვთ უცხო ქვეყნების ინტერესების დაკმაყოფილებისთვის გლობალურ ჭრილში გაკეთებულიო”🤦🏻♂️
რამდენი აღიარება დააფიქსირეს პანიკაში ჩავარდნილმა მონებმა და მეპატრონეებმა 😂
1. აღიარეს, რომ ,,ქართული ოცნება” არჩევნებზე საკონსტიტუციო უმრავლესობას მოიპოვებს და აგენტურის გასამართლება გარდაუვალია. დალუქეს და არ გაასაჯაროვეს ჩატარებული კვლევების შედეგები, რომლითაც დიდი ხნის წინ დარწმუნდნენ მარცხში და ძიძგნიან ჩვენს სამშობლოს თავიანთი განცხადებებით და უსამართლო გადაწყვეტილებებით;
2. დარწმუნებულები არიან, რომ საქართველოს საზოგადოების უმრავლესობას სურს უცხო ქვეყნის ინტერესების გამტარებელი აგენტურის, ეკლესიის და ქართული იდენტობის მოწინააღმდეგეების, გარყვნილობის პროპაგანდის მოსურნე მანქურთების გასამართლება;
3. ქართული ოცნების მიერ მოპოვებული საკონსტიტუციო უმრავლესობის შემდეგ, დაკარგავენ მეორე ფრონტის გახსნის შესაძლებლობას, მაგრამ სიფრთხილე გვმართებს, რადგან დიდი შანსია ადგილი ჰქონდეს პროვოკაციებს.
არც არაფერს მალავენ და პირდაპირ აჟღერებენ მოთხოვნებს, მეორე ხარისხოვნები ვგონივართ. არ აინტერესებთ ჩვენი წარსული და ჩვენი ახალგაზრდა თაობის მშვიდობიანი მომავალი! უნდათ დაგვამონონ, არ არის მაგათ ინტერესებში ძლიერი, დამოუკიდებელი, სუვერენული საქართველო, მზარდი ეკონომიკით! სურთ, დამოკიდებულები ვიყოთ და შესაბამისად, არც ქვეყნის განვითარება შედის მაგათ გეგმებში, მაგრამ ვერ მოგართვით!
ჩვენ, ქართველები და საქართველოში მცხოვრები ეთნიკურად მრავალეროვანი ერი, ვისთვისაც სამშობლო საქართველოა, 26 ოქტომბერს, ქუდზე კაცი გამოვალთ, დავიცავთ წარსულს, აწმყოს და მომავალს4️⃣1️⃣🇬🇪✊🏻”, – წერს დიტო სამხარაძე.
ავტორი
ნინი ხიჯაკაძე
